نرخی نەوت زیاتر دابەزی

واع

دابەزینی نرخی نەوت

ئەمڕۆ 16ی6ی2026، نرخی نەوت لە بازاڕەکانی جیهان دابەزینی زیاتری بەخۆیەوە بینی و یەک بەرمیل نەوتی برێنت بە 82 دۆلار و 74 سەنت مامەڵەی پێوە دەکرێت، هۆکارەکەشی بۆ رێککەوتنی ئەمریکا و ئێران و کردنەوەی گەروی هورمز دەگەڕێتەوە.

بەپێی ماڵپەڕی OIL PRICE، نرخی یەک بەرمیل نەوتی برێنت 43 سەنت دابەزی و بە 82 دۆلار و 74 سەنت مامەڵەی پێوە دەکرێت، هاوکات یەک بەرمیل نەوتی خاوی تەکساسیش 34 سەنت دابەزی و بە 80 دۆلار و 41 سەنت مامەڵەی پێوە دەکرێت.

هۆکاری دابەزینی نرخی نەوت لە بازاڕەکانی جیهان، بۆ رێککەوتنی نێوان ئەمریکا و ئێران دەگەڕێتەوە، بەمەش ئەگەری کردنەوەی گەروی هورمز زیاتر بوو، کە 20%ی وزەی جیهانی پێدا تێدەپەرێت و دۆناڵد ترەمپ سەرۆکی ئەمریکا ئاشکرای کرد، رۆژی هەینی گەروەکە دەکرێتەوە.

دابەزینی نرخی نەوت لەکاتێکدایە، پێشتر بەهۆی ئاڵۆزییەکانی رۆژهەڵاتی ناوەڕاست، بەرزبوونەوەی بەرچاوی بەخۆیەوە بینی، بەشێوەیەک مانگی رابردوو، نرخی یەک یەک بەرمیل نەوتی برێنت تا 113 دۆلار و 50 سەنت بەرزبووە.

PUKMEDIA