ترەمپ: ئەگەری هەیە سەرەتای ئەم هەفتەیە لەگەڵ ئێران رێکبکەوین

رۆیتەرز

دۆناڵد ترەمپ سەرۆکی ئەمریکا

سەرۆکی ئەمریکا رایدەگەیەنێت: ئەگەری هەیە لەم کۆتایی ئەم هەفتەیەدا رێککەوتنێکی مێژوویی بۆ کۆتایهێنان بە شەڕی سێ مانگەمان لەگەڵ ئێران لە ئەوروپا ئیمزا بکرێت، تاران-یش دەڵێت هێشتا بڕیاری کۆتایی لەسەر نەدراوە.

دۆناڵد ترەمپ سەرۆکی ئەمریکا  لە کۆشکی سپی بەڕۆژنامەنووسانی راگەیاند: گەیشتووینەتە رێککەوتنێکی گەورە و لەوانەیە بەمزووانە (شەممە یان یەکشەممە) بە ئامادەبوونی جەی دی ڤانس جێگری سەرۆک، رێککەوتنەکە ئیمزا بکرێت و راستەوخۆ گەرووی هورمز بە ڕووی کەشتیوانیدا بکرێتەوە.

راشیگەیاند: ئایەتوڵڵا موجتەبا خامنەیی رێبەری ئێران، رەزامەندی لەسەر رێککەوتنەکە دەربڕیوە و لەلایەکی تریشەوە، ئیسماعیل بەقایی وتەبێژی وەزارەتی دەرەوەی ئێران، رایگەیاند: بەشێکی زۆری رێککەوتنەکە کۆتایی هاتووە، بەڵام جەختی کردەوە کە تاران سازش لەسەر هێڵە سوورەکانی ناکات و هێشتا لایەنە پەیوەندیدارەکان لە ناوخۆی ئێران خەریکی پێداچوونەوەن و نەگەیشتوونەتە بڕیاری کۆتایی.

ئەمەش لەکاتێکدایە، شەڕی نێوان ئێران و واشنتۆن ماوەی سێ مانگە بەردەوامە و بووەتە هۆی کوژرانی هەزاران کەس و بەرزبوونەوەی نرخی وزە لە جیهاندا بەهۆی داخرانی گەرووی هورمز.

PUKMEDIA