نرخی نەوتی برێنت بەرزبووەوە و تەکساسیش دابەزی

میدیاکان

نرخی نەوت

ئەمڕۆ 26ی5ی2026، نرخی نەوتی برێنت زیاتر لە دوو دۆلار بەرزبووەوە و بە زیاتر لە 98 دۆلار مامەڵەی پێوەدەکرێت، بەڵام نرخی نەوتی تەکساس نزیکەی پێنج دۆلار دابەزی و بە نزیکەی 92 دۆلار مامەڵەی پێوە دەکرێت.

بەپێی ماڵپەڕی(Oil Price)، نرخی یەک بەرمیل نەوتی برێنت بەرێژەی 2.22% بەرزبووەوە و بە 98 دۆلار و 27 سەنت مامەڵەی پێوە دەکرێت، بەمەش دوو دۆلار و 13 سەنت بەرزبووەوە.

هاوکات، نرخی نەوتی تەکساس بە پێچەوانەوە دابەزینی بەخۆیەوە بینی و بەڕێژەی 4.92 دابەزی و یەک بەرمیل بە  91 دۆلار و 85 سەنت مامەڵەی پێوە دەکرێت.

هۆکاری ناسەقامگیری نرخی نەوت، بۆ دۆخی رۆژهەڵاتی ناوەڕاست و ناکۆکییەکانی نێوان ئەمریکا و ئێران دەگەڕێتەوە، کە هێشتا لە نێوان ئاشتی و جەنگدان.

PUKMEDIA