وەزیری دەرەوەی ئێران و سوپاسالاری پاکستان تاوتوێی کۆتایی هاتنی جەنگ دەکەن

تەسنیم

وەزیری دەرەوەی ئێران و سوپاسالاری پاكستان

وەزیری دەرەوەی ئێران و سوپاسالاری پاكستان لە تاران كۆبونەوە و تاوتوێی هەوڵە دیپلۆماسییەكان كرا بۆ رێگریكردن لە پەرەسەندنی گرژییەكان و کۆتایی هاتنی هەمیشەیی جەنگ.

ئاژانسی تەسنیمی ئێرانی بڵاویكردەوە، درەنگی شەوی هەینی عەباس عراقچی وەزیری دەرەوەی وڵاتەكە و سوپاسالاری پاكستان لە تاران كۆبونەوە.

دەشڵێت، عراقچی و مونیر باسیان لە هەوڵە دیپلۆماسییەكان كرد بۆ رێگریكردن لە پەرەسەندنی گرژییەكان و كۆتاییهێنان بە شەڕ لەگەڵ رێگەكانی بەهێزكردنی ئاشتی و سەقامگیر لە رۆژئاوای ئاسیا.

ئەمەش لەكاتێكدایە، ئاژانسە جیهانیەكان بڵاویانكردەوە، عاسم مونیر دانوستانی چڕ لە نێوان ئەمریكا و ئێران دەکات بە ئامانجی لێكنزیككردنەوەیان و گەیشتن بە رێككەوتنێکی گشتگیر.
لەلایەکی دیکەشەوە،وەفدێكی قەتەر بە هەماهەنگی لەگەڵ ئەمریكا لە ئێرانن، ئامانجی سەردانەکەشیان بۆ بەرەو پێشچوونی دانوستانەکانی نێوان ئەو دوو وڵاتەیە.

PUKMEDIA