لێدوانێکی ترەمپ نرخی نەوتی بەرزکردەوە

PUKMEDIA

نرخی نەوت لە جیهان

پاش لێدوانێکی دۆناڵد ترەمپ، نرخی نەوت بەرزبوەوەو نرخی بەرمیلێک نەوتی خاوی پرێنت گەیشتە سەروو 105 دۆلار.

دوای ئەوەی دۆناڵد ترەمپ سەرۆکی ئەمریکا لە لێدوانێکیدا رایگەیاند: "واشنتن ئامادەیە هێرش بکاتەوە سەر ئێران ئەگەر رێککەوتنی ئاشتی ئیمزا نەکات، هەرچەندە ئاماژەی بەوەش کرد کە دەتوانێت چەند ڕۆژێک چاوەڕێ بکات پێش هەر کاردانەوەیەکی سەربازی"، ئەمەش دووبارە نرخی نەوتی بەرەو بەرزبونەوە هەڵکشاند.

لەئێستادا نرخی بەرمیلێک نەوتی خاوی برێنت گەیشتە 105.53 دۆلار  و بەرمیلێک نەوتی تەکساس گەیشتە 94.83 دۆلار.

تاران هۆشداری توندی دا لە هەر هێرشێکی ئەمریکا یان ئیسرائیل، هاوکات دامەزراندنی دەستەیەکی نوێی بۆ کۆنترۆڵکردنی هاتوچۆ لە گەرووی هورمز راگەیاند.

گەرووی هورمز (کە %20ی نەوتی جیهانی پێدا تێپەڕ دەبێت) هێشتا بە داخراوی ماوەتەوە، لە لایەکی تریشەوە عەمباری نەوتی ئەمریکا دابەزیوە بەهۆی زیادبوونی هەناردەی واشنتن بۆ پڕکردنەوەی کەمیی نەوت لە بازاڕەکانی جیهاندا.

PUKMEDIA