قوباد تاڵەبانى: کوردستان خاکی داهێنان و خۆڕاگرییە

نوسینگەى راگەیاندنى قوباد تاڵەبانى

قوباد تاڵەبانى

قوباد تاڵەبانى جێگرى سەرۆکوەزیرانى حکومەتى هەرێمى کوردستان، ئەمڕۆ پێنج شەممە 14ى5ى2026 لە هەژمارى خۆى لە تۆڕى کۆمەڵایەتى فەیسبووک چەند وێنەیەکى بڵاوکردەوە، کە بەشدارى لە  فێستیڤاڵی فیلمی کان کردووە و رایگەیاند: کوردستان زیاترە لە ململا‌نێکان و ئەو تراژیدی و کارەساتە گەورانەی بەسەریدا هاتوون، ئەم خاکە، خاکی داهێنان و خۆڕاگری و چیرۆکە نائاساییەکانە، تەنانەت لە کاتی شەڕ و ناسەقامگیریشدا، ئێمە ڕێگای بنیاتنان و داهێنانمان هەڵبژاردووە.

دەقى بڵاوکراوەکەى قوباد تاڵەبانى:

بۆ دووەمین جار لەسەر یەک بەشداریمان کرد لە فێستیڤاڵی فیلمی کان، لە رێگەی کۆمیسیۆنی فیلمی کوردستانەوە گەورەترین فەندی فیلمی کوردستانمان راگەیاند، دەمانەوێت دەرگای کوردستان بەڕووی کۆمپانیاکانی بەرهەمهێنەری فیلم بکەینەوە، هەروەها زەمینە بۆ هاوکاری لەنێوان سینەماکارانی کوردستان و کۆمپانیا و ناوەندە سینەماییەکانی جیهان بڕەخسێنین بۆ ئەوەی چیرۆکەکانی ئێمەش لەڕێی سینەماوە بە خەڵکی جیهان بگات.

لە کان، پەیامێکی ڕوونمان هەبوو: کوردستان زیاترە لە ململا‌نێکان و ئەو تراژیدی و کارەساتە گەورانەی بەسەریدا هاتوون، ئەم خاکە، خاکی داهێنان و خۆڕاگری و چیرۆکە نائاساییەکانە، تەنانەت لە کاتی شەڕ و ناسەقامگیریشدا، ئێمە ڕێگای بنیاتنان و داهێنانمان هەڵبژاردووە.

PUKMEDIA