هاوخەمی مەکتەبی سیاسی بۆ کۆچی دوایی د.رەفیق سابیر

PUKMEDIA

پرسەنامە

مەکتەبی سیاسی یەکێتیی نیشتمانیی کوردستان، بۆ کۆچی دوایی شاعیر و نووسەری گەورە  د. رەفیق سابیر پرسە و ‏سەرەخۆشی ئاراستەی کەسوکار و ناوەندی رۆشنبیری ‏و ئەدەبی کوردی دەکات.

دەقی هاوخەمییەکەی مەکتەبی سیاسی:
 ‏
بۆ کۆچی دوایی شاعیر و نووسەری گەورە  د. رەفیق سابیر پرسە و ‏سەرەخۆشی خۆمان ئاراستەی  خانەوادە و خزمانی و هەروەها ناوەندی رۆشنبیری ‏و ئەدەبی کوردی دەکەین .

مامۆستا رەفیق ، خاوەنی لاوکی هەڵەبجە،  جگە لەوەی شاعیرێکی ‏ناودار و داهێنەری کورد بوو، تێکۆشەر، پێشمەرگە و نووسەرێکی ئازادیخواز و ‏ئەندێشمەندی کوردستانیی بوو کە هەمیشە لە سەنگەری داکۆکی لە مافی گەلەکەی و لە ‏سەنگەری دیموکراتی و دادپەروەری جێی گرتبوو، کتێب نووسراوەکانیشی لەم بارەیەوە ‏پەرتوکخانەی کوردی دەوڵەمەند کردووە. 

یادی د. رەفیق سابیر هەمیشە زیندووە و رۆحی ‏شاد بێت 
‏

مەکتەبی سیاسی 
یەکێتیی نیشتمانیی کوردستان ‏
 
PUKMEDIA