ژیان عومەر بۆ خەڵکی هەرێم: سەلماندتان کە دەتوانین پشتان پێببەستین

پەڕەی ژیان عومەر

ژیان عومەر ئەندامی پەرلەمانی هەرێمی بەرلین

ژیان عومەر ئەندامی پەرلەمانی هەرێمی بەرلین، سوپاسی پاڵپشتیی هاووڵاتیانی هەرێمی کوردستان بۆ رۆژئاڤا دەکات و دووپاتیشی دەکاتەوە کە خەڵکی باشوور سەلماندیان بە راستی بران و دەتوانرێت پشتیان پێببەسرێت.

ژیان عومەر لە پۆستێکیدا کە لە پلاتفۆڕمی فەیسبووک بڵاویکردووەتەوە، رایگەیاندووە: لە دڵی پەرلەمانی بەرلینەوە، سوپاس بۆ هەرێمی کوردستان ، خۆشەویستیم بۆ ئێوە، براکانم لە هەرێمی کوردستانی عیراقی مەزن.

ئاماژەی بەوەشکردووە: پەیامی خۆشەویستی و پاڵپشتییەکانتانم پێگەیشتن، کە لە راگەیاندنەکان و ماڵپەڕە میدیاییەکان لە هەرێمی کوردستان پاڵپشتیتان کردم، لە سلێمانیەوە بۆ هەولێر و دهۆک و زاخۆ، بۆیە ئێمە شانازی بە پاڵپشتییەکانی ئێوەوە دەکەین.

ژیان عومەر دووپاتیشی کردووەتەوە: ئێمەی کوردانی ڕۆژئاڤا،سوپاسی هاوکارییەکانتان لەم کاتە سەختەدا دەکەین،کە لەلایەن دەسەڵاتی دیمەشق و چەکدارەکانییەوە رووبەڕووی هێرش بووینەتەوە.

لە کۆتایشدا، ژیان عومەر ئەندامی پەرلەمانی هەرێمی بەرلین، رایگەیاندووە: بە پاڵپشتیان سەلماندتان کە ئێوە بە راستی بران و دەتوانرێت پشتتان پێببەسرێت، سوپاس بۆ ئێوە بە گەل و حکومەتەوە بۆ ئەو پاڵپشتیی و هاوکارییە بێسنوورەی پێشکەشتان کرد.

PUKMEDIA