هاوخەمی كۆسرەت رەسوڵ بۆ كۆچی دوایی شێخ محەمەد شاكەلی

PUKMEDIA

پرسەنامە

بۆ كۆچی دوایی شێخ محەمەد شاكەلی، ئەندامی پێشووتری مەكتەبی سیاسی و وەزیری پێشووتری ئەوقاف، كۆسرەت رەسوڵ عەلی، پرسەنامەیەك ئاڕاستەی خانەوادەو كەسوكاری كۆچكردوو دەكات كە ئەمە دەقەكەیەتی:

بەڕێزان خانەوادەو كەسوكاری شێخ محەمەد شاكەلی

بەداخێكی زۆرەوە هەواڵی كۆچی دوایی كەسایەتی دیارو ناسراو، تێكۆشەری دێرین و ئەندامی پێشووتری مەكتەبی سیاسی و وەزیری پێشووتری ئەوقاف (شێخ محەمەد شاكەلی) م بیست، لە ناخەوە دڵگران و خەمباری كردم، هاوبەشی خەمتانم.

كاك شێخ محەمەد شاكەلی تێكۆشەرێكی دێرین و هەڤاڵێكی    دێرینی یەكێتیی نیشتمانیی كوردستان بوو، لە خانەوادەیەكی قارەمان و تێكۆشەری كوردستان بوو، ژیانی خۆی بۆ خزمەتی گەلەكەی تەرخان كردبوو، لە خەباتی شاخ وەك تێكۆشەر و لەدوای راپەڕینیش لەكایەی حوكمڕانی توانی خزمەتێكی بەرچاو پێشكەش بكات.

بەداخەوە بۆ ئەم كۆستەو لەدەستدانی ئەم تێكۆشەرە، پرسەو سەرەخۆشی و هاوخەمی خۆم ئاراستەی كەسوكارو خانەوادە تێكۆشەرەكەتان دەكەم، هیواخوازم ئەمە دواكۆست و ناخۆشیتان بێت، خوای گەورە سەبووری هەموو لایەك بدات و كۆچكردوو جێگای بەهەشتی بەرین بێت.

براتان
كۆسرەت رەسوڵ عەلی

PUKMEDIA