مەکتەبی راگەیاندن و هۆشیاری بەهانای کتێبخانەی گشتی چەمچەماڵەوە دەچێت

پەیجی کتێبخانەی گشتی چەمچەماڵ

کتێبخانەی گشتی چەمچەماڵ

لەگەڵ ئەوەی مەکتەبی ئیدارەو دارایی گشتی یەکێتی و کۆمپانیای ئانزۆ هەڵمەتێکی بەرفراوانیان لەتەواوی شەقام و کۆڵانەکان شاری چەمچەماڵ دەستیپێكرد بۆ بە هاناوەچوونی زیانلێکەوتووانی شارەکە، لەلایەکیتریشەوە مەکتەبی راگەیاندن و هۆشیاری یەکێتی ژمارەیەکی زۆر کتێبی چاپکراوی جۆراوجۆری خۆی پێشکەش بە کتێبخانەی گشتی چەمچەماڵ دەکات.

ئیدارە و دارایی یەکێتی هەڵمەتی بەهاناوەچوونی زیانلێکەوتوانی چەمچەماڵی دەستپێکرد

لەسەر بڕیارو راسپاردەی سەرۆک بافڵ جەلال تاڵەبانی و قوباد تاڵەبانی مەکتەبی ئیدارەو دارایی گشتی یەکێتی و کۆمپانیای ئانزۆ هەڵمەتێکی بەرفراوانیان لەتەواوی شەقام و کۆڵانەکان شاری چەمچەماڵ دەستیپێكرد بۆ بە هاناوەچوونی زیانلێکەوتووانی شارەکە و هاوکاریکردنی تیمە خزمەتگوزارییەکان.

بۆردی هۆشیاری یەکێتی ژمارەیەکی زۆر کتێب دەبەخشێتە کتێبخانەی گشتی چەمچەماڵ

هەر لەوچوارچێوەیەشدا لەدەستپێشخەرییەکدا بۆردی هۆشیاری مەکتەبی راگەیاندن و هۆشیاری یەکێتیی نیشتمانیی کوردستان، بڕیاریدا ژمارەیەکی زۆر کتێبی چاپکراوی جۆراوجۆری خۆی بە هەردوو زمانی کوردی و عەرەبی پێشکەش بە کتێبخانەی گشتی چەمچەماڵ بکات کە بەهۆی لافاوەکەوە نزیکەی 2500 کتێبی کتێبخانەکە لەناوچوون.

بڕیاریشە بۆردی هۆشیاری لەسەر ئەرکی خۆی کتێبەکان بۆ کتێبخانەکە بگوازێتەوە و ئامادەیی خۆشی دەردەبڕێت بۆ هەر جۆرە هاوکارییەکی دیکە.

قوباد تاڵەبانی لە چەمچەماڵەوە چاودێری دۆخەکەبوو

یەکێتیی نیشتمانیی کوردستان لەسەرەتای دروستبوونی کارەساتە سروشتییەکەی چەمچەماڵ، بەزوویی لایەنە پەیوەندیدارەکانی راسپارد هەموو رێککارێکی پێویست بۆ سەلامەتی گیانی هاووڵاتیان بگرنەبەر، هاوکات قوباد تاڵەبانی جێگری سەرۆکوەزیرانی هەرێمی کوردستان بۆ لەنزیکەوە ئاگاداربوون لەدۆخەکە و سەردانیکردنی کەسوکاری قوربانیان سەردانی چەمچەماڵی کردوو رایگەیاند:  کۆمەک و پارە بۆ زیانلێکەوتووان لەلایەن یەکێتیی نیشتمانیی کوردستان و خێرخوازان و رێکخراوە ناحکومییەکان کۆکراوەتەوە، بۆ ئەو مەبەستە سندوقێکی هاوکاری دروستدەکەین و لەوێوە بە دادپەروەری قەرەبووی ئەوانە دەکرێنەوە کە زیانیان پێگەیشتووە.

PUKMEDIA