سەرۆک بافڵ: کاک چێنەر کادرێکی دڵسۆز و بەئەزموون بوو

PUKMEDIA

سەرۆک بافڵ

سەرۆک بافڵ جەلال تاڵەبانی بۆ کۆچیدوایی چێنەر عەلی جۆڵا هاوخەمی دەردەبڕێت و پرسەنامەیەک ئاڕاستەی کەسوکار و خانەوادە و هاووڕێیانی دەکات.

دەقی پرسەنامەکە..

بەداخ و خەمێکی زۆرەوە هەواڵی کۆچی دوایی هەڤاڵ چێنەر عەلی جۆڵا، پارێزەر و یاساناسی شارەزاو بەئەزموون، ئەندامی پێشووی (ئەنجومەنی ناوەندی یەکێتی)مان پێگەیشت.

بۆ ئەم خەمە قووڵە پرسەو سەرەخۆشی خۆمان ئاڕاستەی کەسوکارو بنەماڵە سەربەرزو تێکۆشەرەکەیان دەکەم و هاوبەشی ماتەمیانم.

کاک چێنەر عەلی جۆڵا کادرێکی دڵسۆزو لێهاتوو و بەئەزموون بوو، کە خزمەت و رۆڵ و یادویادەوەری بۆ هەمیشە بەزیندوویی دەمێنێتەوە و رۆحی بۆ هەمیشە شادبێت.

خوای گەورە سەبووری و ئارامی بە هەموولایەک ببەخشێت.

بافڵ جەلال تاڵەبانی 
سەرۆکی یەکێتیی نیشتمانیی کوردستان

PUKMEDIA