کۆسرەت رەسوڵ عەلی هاوخەمی بۆ کۆچی دوایی ئەبو فاروق دەردەبڕێت

PUKMEDIA

پرسەنامە

کۆسرەت رەسوڵ عەلی، بۆ کۆچی دوایی، یەکەم سکرتێری حزبی شیوعی کوردستان (عومەر عەلی شێخ) ناسراو بە ئەبو فاروق، پرسەنامەیەک ئاڕاستەی بنەماڵەکەی دەکات.

دەقی پرسەنامەکە:

خوشکی بەڕێزم پەخشان زەنگەنە
بەڕێزان خانەوادەو کەسوکاری ئەبو فاروق

بەداخێکی زۆرەوە هەواڵی کۆچی دوایی پێشمەرگەی دێرین و تێکۆشەری ناسراوی کوردستان و یەکەم سکرتێری حزبی شیوعی کوردستان (عومەر عەلی شێخ) ناسراو بە ئەبو فاروق-م بیست، دڵگران و خەمباری کردم، هاوبەشی خەمتانم.

ئەبو فاروق تێکۆشەرێکی دیارو ناسراوی خەباتی کوردایەتی بوو، لە شاخ و لە ریزەکانی حزبی شیوعی خزمەتێکی زۆری کردو وەک تێکۆشەرێکی گەورە و پێشمەرگەیەکی قارەمان لە پێناو میللەتەکەی تێکۆشاو خەباتی کرد.

بەداخەوە بۆ کۆچی دوایی و ئەم کۆستە گەورەیە، پرسەو سەرەخۆشی و هاوخەمی خۆم ئاراستەی جەنابتان و خانەوادە تێکۆشەرەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

براتان
کۆسرەت رەسوڵ عەلی

PUKMEDIA