هاوخەمی عیماد ئەحمەد بۆ کۆچی دوایی سەرۆک عەشیرەتی ئاکۆ

PUKMEDIA

پرسەنامە

عیماد ئەحمەد لێپرسراوی مەكتەبی راگەیاندن و هۆشیاری، بۆ  کۆچی  دوایی  کەسایەتی  ناسراوی  کۆمەڵایەتی  دەڤەری  راپەڕین  ئاکۆی  عەباس ئاغا سەرۆک عەشیرەتی ئاکۆ، پرسەنامەیەک ئاڕاستەى بنەماڵەکەیان دەکات.

دەقى پرسەنامەکە:

بەڕێزان خانەوادە و کەسوکاری کاک ئاکۆی عەباس ئاغا

بەداخ و پەژارەیەکی زۆرەوە، هەواڵی ژیانئاوایی کاک ( ئاکۆی عەباس ئاغا  )ی سەرکەپکان سەرۆک عەشرەتی ئاکۆیانم پێگەیشت.

کاک ئاکۆ لە بنەماڵەیەکی تێکۆشەر و نیشتیمان پەروەری کوردستان بوو هەموو ژیانی خۆی لە چاکەی گشتی و خزمەتکردنی هاوڵاتیاندا بەڕێکرد ، ماڵ و دیوەخانەکەی جێگای چارەسەرکردنی کێشە کۆمەڵایەتییەکان بوو ، هەر بۆیە لە دەستدانی پیاوێکی وەک خوالێخۆشبوو کاک ئاکۆی عەباس ئاغا هەموومانی دڵتەنگ و نیگەران کرد…
 بۆ ئەم خەمە گەورەیە پرسەو سەرەخۆشی ئاڕاستەی تەواوی کەسوکارو بنەماڵە سەربەرزەکەیان دەکەم و هاوبەشی ماتەمیانم.

لەخوای گەورە داواکارین گیانی پاکی کۆچکردوو بەبەهەشتی بەرین شادبکات، سەبووری و ئارامی بە هەموولایەک ببەخشێت.

‎انا للە و انا الیه راجعون

‎عیماد ئەحمد

PUKMEDIA