عیماد ئەحمەد: لەدەستدانی سەعد خالید نیگەرانی كردین

PUKMEDIA

پرسەنامە

بۆ كۆچی دوایی كاك سەعد خالید، عیماد ئەحمەد پرسەنامەیەك ئاڕاستەی خانەوادە و هاوڕێیانی كۆچكردوو دەكات كە ئەمە دەقەكەیەتی:

هەڤاڵانی حزبی زەحمەتكێشانی كوردستان

بەڕێزان خانەوادە و هاوڕێیانی خوالێخۆشبوو كاك سەعد خالید

بەداخ و پەژارەیەكی زۆرەوە، هەواڵی ژیانئاوایی تێكۆشەری شاخ و شار هاوڕێ (سەعد خالید) جێگری سكرتێری حزبی زەحمەتكێشانی كوردستانم پێگەیشت .

كاك سەعد جگە لەوەی پێشمەرگەی دێرین بوو بۆ منیش هاوڕێیەكی خۆشەویست و بەوەفا بوو كە ماوەیەكی زۆر پێكەوە كارمان كردووە چ لە سەردەمی پێشمەرگایەتی لە شاخ و دواتریش لەحكومەت.

خوالێخۆش بوو وەك وەزیر دەورێكی باشی هەبوو لە خزمەتكردن، بەداخەوە ماوەی چەند ساڵێك بوو بەهۆی نەخۆشییەوە وەك پێوسیت نەیدەتوانی بەئەركەكانی رابگات كە بەداخەوە هەر بەو نەخۆشییەوە ماڵئاوای لێ كردین…

هەر بۆیە بە لەدەستدانی كاك ( سەعد خالید) زۆر دڵتەنگ و نیگەران بووین 

 بۆ ئەم خەمە گەورەیە پرسەو سەرەخۆشی ئاڕاستەی بەڕێزتان و تەواوی كەسوكارو بنەماڵە سەربەرزەكەیان دەكەم و هاوبەشی ماتەمیانم.

لەخوای گەورە داواكارین گیانی پاكی كۆچكردوو بەبەهەشتی بەرین شادبكات، سەبووری و ئارامی بە هەموولایەك ببەخشێت.

‎انا للە و انا الیه راجعون 

عیماد ئەحمەد

PUKMEDIA