هاوخەمی کۆسرەت رەسوڵ عەلی بۆ کۆچی دوایی سەعد خالید

PUKMEDIA

سەعد خالید

کۆسرەت رەسوڵ عەلی، بۆ کۆچی دوایی سەعد خالید جێگری سکرتێری حزبی زەحمەتکێشانی کوردستان، پرسەنامەیەک ئاڕاستەی خانەوادە و کەسوکارەکەی دەکات.

دەقی پرسەنامەکە:

برای بەڕێزم کاک بەڵێن عەبدوڵا- سکرتێری حزبی زەحمەتکێشانی کوردستان
بەڕێزان خانەوادەو کەسوکاری هاوڕێ سەعد خالید- جێگری سکرتێری حزبی زەحمەتکێشانی کوردستان

بەداخێکی زۆرەوە هەواڵی کۆچی دوایی تێکۆشەرو سیاسەتمەدار، پێشمەرگەی دێرین و جێگری سکرتێری حزبی زەحمەتکێشانی کوردستان هاوڕێ (سەعد خالید)م بیست، دڵگران و خەمباری کردم، هاوبەشی خەمتانم.

هاوڕێ سەعد خالید لەکاروانی ژیانیدا وەک تێکۆشەرو سیاسەتمەدارێک رۆڵی دیارو بەرچاوی هەبوو لە خزمەتکردنی دۆزی رەوای گەلەکەمان و داکۆکیکردن لە مافە نەتەوەییەکانمان، بەداخەوە بۆ ئەم کۆچەو لەدەستدانی، پرسەو سەرەخۆشی و هاوخەمی خۆم ئاراستەی ئێوەو هەڤاڵانمان لە حزبی زەحمەتکێشانی کوردستان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

براتان
کۆسرەت رەسوڵ عەلی

PUKMEDIA