مەكتەبی راگەیاندن:سەرۆك بافڵ پەیوەندییەكانی كورد لە سەكۆ جیهانییەكان بەهێزتردەكات

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

مەکتەبی راگەیاندن و هۆشیاری یەکێتیی نیشتمانیی کوردستان لە پەیامێکیدا پیرۆزبایی لە سەرۆک بافڵ دەکات بەبۆنەی هەڵبژاردنی وەک سەرۆكی هاوپەیمانیەتی حزبە سۆشیال دیموكراتەكانی جیهانی عەرەبی و رایدەگەیەنێت:" هەڵبژاردنەکە تەنها روداوێكی كوردستانیی نیە، بەڵكو ئاڵوگۆڕێكی چۆنایەتیە لە كاریگەربوونی كەسایەتییەكی كورد لەناو هاوكێشە هەرێمیی و نێودەوڵەتیەكان لە پێناو ئاشتی و سەقامگیریی، دڵنیاین لەسەر رێگا و رێبازی رەوانشاد مام جەلال پەیوەندییەكانی كورد و یەكێتی لە سەكۆ جیهانییەكان بەهێزتر دەكات".

دەقی پەیامەکەی مەکتەبی راگەیاندن و هۆشیاری:


بە ناوی سەرجەم هەڤاڵانی مەکتەبی راگەیاندن و هۆشیاریەوە، گەرمترین پیرۆزبایتان لێدەکەین بە بۆنەی هەڵبژاردنتان وەك سەرۆكی هاوپەیمانیەتی حزبە سۆشیال دیموكراتەكانی جیهانی عەرەبی، دڵنیایین وەك هەمیشە لە ئەركێكی گەورەی تردا سەركەوتوو دەبن و پایەی سەرۆكایەتی هاوپەیمانیەتێكی هەرێمیی بۆ ئامانجی باڵا لە ئاشتی و ئارامی و سەقامگیریی و دۆزی رەوای گەلەكەمان بەكاردەهێنن.

هەڵبژاردنی جەنابتان بۆ سەرۆكایەتی هاوپەیمانیەتیەكە تەنها روداوێكی كوردستانیی نیە، بەڵكو ئاڵوگۆڕێكی چۆنایەتیە لە كاریگەربوونی كەسایەتیەكی كورد لەناو هاوكێشە هەرێمیی و نێودەوڵەتیەكان لە پێناو ئاشتی و سەقامگیریی، دڵنیاین لەسەر رێگا و رێبازی رەوانشاد مام جەلال پەیوەندییەكانی كورد و یەكێتی لە سەكۆ جیهانییەكان بەهێزتر دەكات.
دەشزانین بە وەرگرتنی ئەم سەرۆکایەتییە ئەركێكی دیکەی قورس دەكەوێتە سەرشانتان، بەڵام وەك هەمیشە بە سەركەوتووانە لەم ئەركەشدا سەركەوتوو دەبن و مەکتەبەکەمان لە خزمەت بەجێگەیاندنی ئەم ستراتیژە نیشتمانییە و نەتەوایەتیە دەبێت.
دووبارە پیرۆزە و هیوا سەركەوتنتان بۆ دەخوازین 

مەکتەبی راگەیاندن و هۆشیاری یەکێتیی نیشتمانیی کوردستان

PUKMEDIA