هاوخەمی کۆسرەت رەسوڵ بۆ کۆچی دوایی سیاسەتمەدار سەید کاکە

PUKMEDIA

پرسەنامە

کۆسرەت رەسوڵ عەلی،  بۆ کۆچی دوایی پێشمەرگەی دێرین و سیاسەتمەدار سەید کاکە پرسەنامەیەک ئاڕاستەی بنەماڵەکەی دەکات، کە ئەمە دەقەکەیەتی:
بەڕێزان خانەوادەو کەسوکاری خارە سەید کاکە

بەداخێکی زۆرەوە هەواڵی کۆچی دوایی تێکۆشەرو سیاسەتمەدار، پێشمەرگەی دێرین و فەرماندەی قارەمان خارە سەید کاکەم بیست، دڵگران و خەمباری کردم، هاوبەشی خەمتانم.

خارە سەید کاکە پیاوێکی تێکۆشەرو قارەمان بوو، هەموو تەمەنی خۆی بۆ کوردایەتی و دۆزە رەواکەی تەرخان کرد، پێشمەرگەیەکی قارەمان و فەرماندەیەکی خۆنەویست بوو، لەبواری سیاسەت و کاری پەرلەمانی پیاوێکی سەرڕاست و خاوەن رای خۆی بوو، سڵی نەدەکردەوە لە دەربڕینی راو بۆچوونەکانی خۆی، حەزی دەکرد کورد یەکدەنگ و یەکهەڵوێست بێت و هەر لەم پێناوەش خەباتی دەکرد.

بەداخەوە بۆ لەدەستدانی ئەم تێکۆشەرە، پرسەو سەرەخۆشی و هاوخەمی خۆم ئاراستەی خانەوادەو کەسوکاری دەکەم، هیواخوازم ئەمە دواکۆست و ناخۆشیان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

PUKMEDIA