پرسەنامەی دەرباز كۆسرەت رەسوڵ بۆ کۆچی دوایی سەید کاکە

PUKMEDIA

پرسەنامە

دەرباز كۆسرەت رەسوڵ ئەندامی مەكتەبی سیاسیی یەكێتیی نیشتمانیی كوردستان ، بۆ کۆچی دوایی پێشمەرگەی دێرین و سیاسەتمەدار سەید کاکە پرسەنامەیەک ئاڕاستەی بنەماڵەکەی دەکات، کە ئەمە دەقەکەیەتی:
بەداخەوە بۆ كۆچی دوایی تێكۆشەر، سیاسەتمەدارو پێشمەرگەی كورد خاڵە سەید كاكە، یەكێك لە رەمزەكانی بەرخودان و تێكۆشانی گەلەكەمان كە هاوشانی جەنابی كاك كۆسرەت رۆژانێك خەباتی كردووە.

سەید كاكە، پەرلەمانتارێكی بەهەڵوێستی خولی دووەمی پەرلەمانی كوردستان بوو كە ئازایانە رەخنەی دەگرت بەبێ گوێدان بە ئینتیمای حزبایەتی.

تێكۆشەرانی وەك سەید كاكە، دووبارە نابنەوە لەمێژووی گەلەكەماندا، لەناخی دڵمانەوە سەرەخۆشی لە خۆمان و خێزان و خزمان و هاوڕێ و هاوخەباتانی خاڵە سەید كاكە دەكەم و هاوبەشی خەمیانین.

PUKMEDIA