بە بڕیاری سەرۆک بافڵ قەرەبووی ئەو شوێنانە دەکرێنەوە کە زیانیان بەرکەوتووە

PUKMEDIA

زیانە مادییەکانی شەوی رابردوو

بەبڕیاری بافڵ جەلال تاڵەبانی سەرۆکی یەکێتیی نیشتمانیی کوردستان، هەموو ئەو ماڵ و شوێنانە قەرەبوو دەکرێنەوە کە زیانیان بەرکەوتووە.

مەکتەبی دارایی و ئیدارەی گشتی بە بڕیاری سەرۆک بافڵ جەلال تاڵەبانی بڕیاریدا قەرەبووی هەموو ئەو ماڵ و شوێنانە بکرێتەوە کە بەهۆی رووداوە کەی شەوی رابردووە لە سەرچنار زیانیان بەرکەوت .

مەکتەبی دارایی و ئیدارەی گشتی  بۆ جێبەجێ کردنی بریارەکەی سەرۆک بافڵ دەستبەجێ لیژنەیان پێکهێنا بۆ جێ بەجێکردنی ئەم بڕیارەی سەرۆک بافڵ و دەست بەکار بوون.

ئەمەش لە کاتێکدایە، شەوی ڕابردوو، هێزە ئەمنییەکان بۆ جێبەجێکردنی فەرمانی دادگا و دەستگیرکردنی تۆمەتباران چوونە لالەزار، بەڵام لەیاسادەرچوان  ئامادە نەبوون خۆیان رادەستبکەن و بەهۆیەوە شەڕە تەقە روویدا، دوای چەند سەعاتێک لالەزار کۆنترۆڵکرا و تۆمەتبارانیش لەسەروی هەموویانەوە لاهور جەنگی بورهان و براکانی دەستگیر کران.

PUKMEDIA