د. نەرمین مەعروف: وردبینی تەواوبکرێت مووچە دەنێردێت

PUKMEDIA

د. نەرمین مەعروف

وەزارەتی دارایی عیراق بەردەوامە لە وردبینی لیستی مووچەی فەرمانبەرانی هەرێمی کوردستان و ئەندامێکی لیژنەی داراییش لە ئەنجومەنی نوێنەرانی عیراق دەڵێت: "هەر توێژێک وردبینی بۆ کرا مووچەکەی دەنێردرێت".

د. نەرمین مەعروف ئەندامی لیژنەی دارایی لە ئەنجومەنی نوێنەرانی عیراق بە وێبسایتی رەسمی یەکێتیی نیشتمانیی کوردستان PUKMEDIA ی راگەیاند: "بەپێی ئەو زانیاریانەی لە وەزارەتی دارایی عیراقەوە دەستم کەوتووە، لیستی مووچەی فەرمانبەرانی هەرێم زۆر بەباشی ئامادەکراوە و وەک ئەوەبووە کە وەزارەت داوای کردووە".

"وەزارەتی دارایی عیراق بەردەوامە لە وردبینی لیستی مووچەی فەرمانبەرانی هەرێم و دوای تەواوبوونی وردبینی دەستدەکرێت بە ناردنی  مووچە، بەڵام هەر توێژێک واتە فەرمانبەران، خانەننشینان، تۆڕی چاودێری کۆمەڵایەتی، بەجیا مووچەیان بۆ دەنێردرێت"، د. نەرمین وای وت.

راشیگەیاند: "هەر توێژێک وردبینی تەواوبوو، دەستدەکرێت بە دابەشکردنی مووچەکەی کە چاوەڕوان دەکرێت لەم هەفتەیەدا وەزارەتی دارایی عیراق مووچەی فەرمانبەرانی هەرێم بنێرێت".
PUKMEDIA