پیرۆزباییەکان بۆ سەرکەوتنی یەکێتیی نیشتمانیی کوردستان و هاوپەیمانێتییەکانی
کوردستان 07:19 PM - 2023-12-19لیست و هاوپەیمانێتییەکانی یەکێتی
یەکێتیی نیشتمانیی کوردستان سەرکەوتنی گەورەی بەدەستهێنا لە هەڵبژاردنی ئەنجومەنی پارێزگاکانی عیراقدا کە لەڕێی هاوپەیمانێتی و لیستی سەربەخۆ و کاندیدی سەربەخۆوە بەشداری کرد، بەتایبەت لە کەرکوک و ناوچە جێناکۆکەکان لە ریزبەندی یەکەم و پێشەنگدایە کە لە کەرکوک و موسڵ و دیالە تێکڕای دەنگەکانی بەشێوەیەکی بەرچاو زیادیکردووە، بەوبۆنەیەوە چەندین بروسکەی پیرۆزبایی ئاڕاستە دەکرێت کە ئەمە دەقی هەندێکیانە...
پیرۆزبایی رەفعەت عەبدوڵڵا
دانیشتوان و هاوڵاتیانی خۆشەویستی شاری کەرکوک و دەوروبەری
بەبۆنەی سەرکەوتنی هەڵبژاردن و بەشداری کاریگەرتان لەماوەی کەمپینی هەڵبژاردنەکەو تا لیستەکەی خۆتان و کوردایەتیتان سەرخست، ئەمەوێت پڕ بەدڵ سوپاس و پیرۆزبای خۆمتان ئاراستەبکەم و هیوای داهاتووی پرشنگدار بۆ شارەکەمان لە چوارچێوەی ناسنامەی کوردستانی بوونیدا بخوازم.
بەڕێزان هەمووتان ئەزانن ئەم شارە پێکهاتەی جیاوازی لێ یەو پێویستە گیانی برایەتی و هاوبەشی بپارێزین ویەکێتیش باشتر لەجاران خزمەتی داهاتووی شارەکەو ئێوەی دڵسۆز ئەکات، ئەم ئەنجامە ڕاستکردنەوەی ئەو هەوڵانەبوو کە ئەیانویست کوردستانی بوونی شارەکەو هەستی برایەتی نێوان پێکهاتەکانی شار تێکبدات،جارێکی تر کەرنەڤاڵی سەرکەوتن و ئاهەنگی خۆشیتان پیرۆزبێت
براتان
رەفعەت عەبدوڵا حەمە ڕەش
پیرۆزبایی لێپرسراوی
مەکتەبی راگەیاندن و هۆشیاری
بەبۆنەی راگەیاندنی ئەنجامە رەسمی و بەراییەکانی هەڵبژاردنی
ئەنجومەنی پارێزگاکان لە عیراق، گەرمترین پیرۆزبایی ئەم سەرکەوتنە گەورەیەی گەلی
کوردستان و یەکێتی لە خەڵکی کوردپەروەری ئەو ناوچانە و کەسوکاری شەھیدان و پێشمەرگە و تێکۆشەران و ھێزە ئەمنییەکان و
لاوانی ماندوونەناس و تەواوی رۆڵەکانی ئەم گەلە ستەمدیدەیە و ئەم حزبە قوربانیدەرە
دەکەین، پیرۆزبایی لە رۆحی شادی رێبەری گەورەی کوردایەتی مام جەلال دەکەین کە ھەتاسەر خەمخۆری نەگۆڕی خەڵکی ئەو ناوچە
کوردستانییانە بوو.
ئەم سەرکەوتنەی یەکێتی کە سەرکەوتنی کورد و کوردستانییانی کەرکوک و خانەقین و خورماتوو و مەخمور و شەنگال و یەک بەیەکی خەڵکی ئەو ناوچانە و تەواوی خەڵکی کوردستانە، بەرھەمی کاری دەستەجەمعی یەکێتییانە و رێبەرایەتی و سەرکردایەتییەکی توندوتۆڵ و جیاوازە، وەفای خەڵکی ئەو ناوچانە بوو بۆ مامی رێبەرمان، ھەروەک چۆن زادەی کۆنگرە و خۆڕێکخستنەوەیەکی بە پلان و کارا و سەردەمێکی نوێی مایەی ھیوایە، بەڵام وەک مام فەرمووی: نابێت لەسەر چەپکەگوڵی دەسکەوتەکان خەومان لێ بکەوێت.
لێرەدا گرنگە سەرکەوتن و دەسکەوتە حزبی و دیموکراسییەکان
بۆ دەسکەوتێکی عیراقی و کوردستانی و نیشمانییانە تەرجومە بکەین و برایەتی و پێکەوەھەڵکردن
و پێکەوەژیان و کارکردنێکی کاریگەر لەگەڵ پێکھاتە گرنگ و رەسەنەکانی ئەو ناوچانەدا
بھێنینە ئاراوە، ھەروەک چۆن گرنگە ئەو سەرکەوتنە ببێتە ھەوێنی ھاوکاری و ھاوخەباتی
ھێزە کوردستانییە بەرپرسیارەکان و مایەی کۆکردنەوە و یەکبوونی کودستانییانە و عیراقییانەمان
بێت و ببێتە ئیلھامبەخش بۆ بەدەستھێنانی سەرکەوتنی ئاوا بەرچاو لە داھاتووی نزیکی
عیراق و ھەرێمی کوردستاندا، لەپێناوی خزمەتکردنی
خەڵکی بەوەفای خۆمان، کە دەرکەوت وێڕای نیگەرانییەکانیان بەڵام لە تەنگانەدا ھەرگیز
پشت لە ھێزە رەسەن و خەباتگێڕەکانی خۆیان ناکەن.
عیماد ئەحمەد
لێپرسراوی مەکتەبی راگەیاندن و هۆشیاری
(ی.ن.ک)
پیرۆزبایی د. یوسف گۆران
سوپاسی هەموو کوردانی بەشەرەفی قودسی کوردستان ئەکەم کە بە دەنگدانیان بۆ کوردستانیەتی کەرکوک نەیانهێشت خەونی هەزاران شەهید و ئەنفالکراوی گەلەکەمان لەبار بچێت، پیرۆزە داستانی پاراستنی ناسنامەی کوردستانیەتی کەرکوک ، شەکاوە بێت ئاڵای بەرزی کوردستان لە کەرکوکەوە تا حەمرین.
د. یوسف گۆران
ئەندامی مەکتەبی سیاسیی
یەکێتیی نیشتمانیی کوردستان
پیرۆزبایی جڤاتی سلێمانی بزاڤی ئاشتی
بۆ/بەڕێز سەرۆک بافڵ تاڵەبانی و بەڕێزان ئەندامانی مەکتەبی سیاسی وئەندامانی سەرکردایەتی یەکێتی نیشتمانی کوردستان وجەماوەری یەکێتی نیشتمانی وکۆمەڵانی خەڵکی کوردستان
بابەت /پیرۆزبایی
بەناوی خۆم و سەرجەم ئەندامانی بزاڤی ئاشتی جڤاتی سلێمانی زۆر بەگەرمی و پڕ بە دڵ پیرۆزیاییتان لێدەکەین بە بۆنەی سەرکەوتن لە هەڵبژاردنەکانی ئەنجومەنی پارێزگای کەرکوک و شارە کوردستانییە دابڕێنراوەکان و بەدڵنیاییەوە ئەمە سەرەتای زنجیرە سەرکەوتنێکی چاوەڕوانکراوە بۆ یەکێتییەکەمان و دوا رۆژێکی پرشنگداری هیوا بەخش بۆ کۆمەڵانی خەڵکی کوردستان
دەستی ماندوبونتان دەگوشین وئێوە رابەربن و ئێمە جەماوەری بەئەمەک بۆ رێبازەکەی رەوان شاد مامی هەمیشە زیندوو
هەرسەرکەوتووبن
سەربەست تۆفیق
سەرۆکی جڤاتی سلێمانی بزاڤی ئاشتی
۱۹/۱۲/۲٠۲۳
پیرۆزبایی کۆمەڵەی پێشمەرگە دێرینەکانی یەکێتیی نیشتمانیی کوردستان
پیرۆزبایی پارتی نەتەوەیی کوردستان
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16