riklam

دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات

کوردستان 01:01 PM - 2024-05-17
دەرباز کۆسرەت رەسوڵ لێپرسراوی مەکتەبی پەیوەندییەکانی یەکێتیی نیشتمانیی کوردستان هەژماری تایبەتی دەرباز کۆسرەت رەسوڵ لە فەیسبوک

دەرباز کۆسرەت رەسوڵ لێپرسراوی مەکتەبی پەیوەندییەکانی یەکێتیی نیشتمانیی کوردستان

یەکێتیی نیشتمانیی کوردستان سەرۆک بافڵ

نزیکەی دوو هەفتەیە بافڵ جەلال تاڵەبانی سەرۆکی یەکێتیی نیشتمانیی کوردستان لە واشنتنە و ژمارەیەک دیداری سیاسی و دیپلۆماسی و دیبەیتی لە پەیمانگا نێودەڵەتیەکان هەبوو، لێپرسراوی مەکتەبی پەیوەندییەکانی یەکێتیی نیشتمانیی کوردستان کوردستانیش دەڵێت: "ئەمریکییەکان بە گرنگییەوە گوێیان لە تێبینی و سەرنجەکانی یەکێتی و سەرۆک بافڵ گرت".

سەرۆک بافڵ سیاسەتی یەکێتی بۆ ئەمریکا خستەڕوو

سەردانەکەی سەرۆک بافڵ بایەخی گرنگی هەیە و یەکەم سەردانی سەرۆکی حزبێکی سیاسییە، کە بەڕەسمی بانگهێشتی ویلایەتە یەکگرتووەکان دەکرێت چ لەسەر ئاستی هەرێم، چ لەسەر ئاستی عیراق و ناوچەکەش، هەروەها سەرۆک بافڵ سیاسەتی روون و راشكاوی یەكێتی و كوردی لەئەمریكا خستۆتە روو.

دەرباز کۆسرەت رەسوڵ لێپرسراوی مەکتەبی پەیوەندییەکانی یەکێتیی نیشتمانیی کوردستان کوردستان کە لەوسەردانەدا یاوەری سەرۆک بافڵ-ە دەڵێت: "ئەمریکا هاوبەشێكی سەرەکییە لە رۆژهەڵاتی ناوەراست و لە عیراقیش قوربانی زۆری داوە، ئەو ئازادی و دیموکراسییەی کە ئێستا هەمانە دەگەڕێتەوە بۆ پشتیوانی ئەمریکا، پێویستبوو کە بێینە ئەمریکا و تێڕوانینی یەکێتی و سەرۆک بافڵ-یان لە نزیکەوە گوێ لێبێت، هەروەها بە بایەخ و گرنگییەوە گوێیان لە تێبینی و تێڕوانینەکان گرت".

نوسینگەی راگەیاندنی لێپرسراوی مەکتەبی راگەیاندن لێدوانی دەرباز کۆسرەت رەسوڵی بۆ PUKMEDIA ناردوە و دەڵێت: "لە هەموو ئاستەکان پێشوازی کراین و لە کۆشکی سپی سێ کۆبوونەوەی گرنگمان هەبوو، هەروەها کۆمەڵێک دیداری تایبەتمان هەبوو لەگەڵ کۆنگرێسمانە جیاجیاکان دا، لە وەزارەتی بەرگریش کۆبوونەوەمان کرد و لەگەڵ ئەو ناوەندی لێکۆڵینەوەناش کە کاریگەری لە سیاسەتی ئەمریکا دەکەن کۆبووینەوە و بە پەرۆشەوە پێیان خۆشبوو گوێیان لە تێبینی و سەرنجەکانمان بێت".

ئەمریکا: دەبێت هەڵبژاردن لە کوردستان ئەنجام بدرێت

تاكو ئێستا سەرۆكی یەكێتی لەئەمریكا 15 دیداری ئەنجام داوە، 11 دیداری سەرۆك و شاندی یاوەری لەبارەی سیاسەتی دەرەوە و بەرگری بووە، تەنیا 2 سەردانی لەبارەی وزەبووە، هەروەها 2 دیداری دیكەشی بۆ ناوەندە ئەكادمی و میدیایەكان بووە.

دەرباز کۆسرەت رەسوڵ دەشڵێت: "کەرتی وزەی هەرێمی کوردستان بەشێکە لە ستراتیجی ئەمریکا لە ناوچەکەدا، بە گرنگییەوە لێی دەڕوانێت، هەروەها تێبینییان هەیە لەسەر شێوازی کەرتی وزە لە هەرێمی کوردستان"، "ئەمریکییەکان تەئکیدیان لە تەبایی و یەکڕیزی کورد کردەوە و پشتیوانێکی تەواوی حکومەتی هەرێمی کوردستان و هەرێمی کوردستان دەکەن".

"ئەمریکا تەئکید لەوە دەکاتەوە کە بە زوترین کات دەبێت هەڵبژاردن ئەنجام بدرێت و وەکو یەکێتیی نیشتمانیی کوردستان تەئکیدمان لەسەر ئەوە کردەوە کە هەموو ئامادەکارییەکمان کردووە و پێمان خۆشە کە ئەوانیش فشار لە هەموو لایەنەکان بکەن کە بە زوترین کات هەڵبژاردنی پەرلەمانی کوردستان ئەنجام بدرێت، چونکە هەڵبژاردن دەبێتە مایەی بەهێزبوون و مانەوەی قەوارەی هەرێمی کوردستان"، "تەنها یەک دوو لایەن تێبینییان لەسەر پڕۆسەکە هەیە، بەڵام ئەمە نابێتە مایەی ئەوە کە هەڵبژاردن پەکبخرێت، چونکە ئەوە مافێکی رەوای خەڵکی هەرێمی کوردستانە"، دەرباز کۆسرەت رەسوڵ وادەڵێت.

لێپرسراوی مەکتەبی پەیوەندییەکانی یەکێتی دەشڵێت: "ئەمریکا تەئکیدیان لەسەر ئەوە کردەوە کە دەبێت هەڵبژاردن بکرێت، ئەگەر هەڵبژاردن نەکرێت لەوانەیە مەترسییەکی گەورە لەسەر هەرێمی کوردستان دروست ببێت، ئێمەش تەئکیدمان کردەوە کە وەک یەکێتی ئامادەین کە بە زوترین کات هەڵبژاردن ئەنجام بدرێت"، "هەروەها ئەگەر هەڵبژاردن نەکرێت لە هەرێمی کوردستان، لەوانەیە پشتیوانی هێزی پێشمەرگە لەلایەن ئەمریکاوە بکەوێتە ژێر مەترسییەوە".

بافڵ جەلال تاڵەبانی سەرۆکی یەکێتیی نیشتمانیی کوردستان رۆژی 6ـی 5ـی 2024 گەیشتە واشنتن و تا ئێستا چەندین کۆبوونەوەی لەگەڵ بەرپرسانی باڵای ئەمریکا ئەنجامداوە و سەرنج و تێبینییەکانی یەکێتیی نیشتمانیی کوردستان-ی پێگەیاندون، ئەو وڵاتەش بە پەرۆشەوە گوێیان لەو سەرنج و تێبینییانە گرتووە.
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket