پرسەنامەی قوباد تاڵەبانی بۆ خانەوادەی کابان خان

PUKMEDIA

پرسەنامە

قوباد تاڵەبانی لێپرسراوی مەکتەبی سکرتارییەتی سەرۆک مام جەلال، پرسەنامەیەک ئاڕاستەی خێزان و خانەوادەی کابان خان دەکات.

دەقی پرسەنامەکە...

بەڕێزان خزمانی باجەڵان
بەڕێزان خانەوادەی کابان خان

بەبیستنی هەواڵى کۆچی دوایی (کابان خان) خێزانی شەهید کوێخا عەبدوڵا باجەلان، نیگەران و دڵگران بووم. 

(کابان خان) خانمێکی بوێر و دڵسۆزی شۆڕش و پێشمەرگایەتی، و خانەوادەیەکی قوربانیدەر بوون بۆ کوردایەتی و لەو پێناوەشدا چوار کوڕی بەناوەکانی (شەهید میرزا، شەهید مەغدید، شەهید رەحمان، شەهید حەمە ئەمین) گیانی خۆیان بەخت کرد. 

بۆ ئەم کۆستە، پرسە و سەرەخۆشی ئاڕاستەی خێزان و خانەوادە بەڕێزەکەتان و هەموو خزمانی باجەڵان دەکەم، خواى گەورە لەکۆچکردوو خۆش بێت، سەبورى و دڵنەواییش بەهەموو لایەک ببەخشێت. 

انا لله وانا اليه راجعون

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال