ژمارە سفری رۆژنامەی خەڵات بەزاراوەی كرمانجی دەرچوو

PUKMEDIA

رۆژنامەی خەڵات

یەکەم ژمارەی رۆژنامەی خەڵات کە ژمارە سفرە و دیاری مەکتەبی راگەیاندنی یەکێتییە بۆ کوردانی هەر چوار پارچەی كوردستان و جیهان، بەزاری کرمانجی و بە پیتی لاتینی دەنوسرێت، بڵاوکرایەوە، کە ژمارە سفری رۆژنامەکەیە و سەرجەم چالاکییە رۆشنبیری و ئەدەبی و هونەری و هەمەرەنگەکان لەخۆی دەگرێت.

لەوبارەوە هۆزان عەفرینی سەرنووسەری رۆژنامە و ماڵپەری خەڵات بە PUKMEDIA راگەیاند: "رۆژنامەی خەڵات، دیاری یەكێتیی نیشتمانیی كوردستانە بۆ کوردانی هەر چوار پارچەی كوردستان و هەموو جیهان".

"رۆژنامەی خەڵات، رۆژنامەیەكی رۆشنبیری و ئەدەبی و هونەری و هەمەرەنگە، بە شێوەزاری كرمانجی و پیتی لاتینی بڵاودەكرێتەوە و لە لایەن مەكتەبی راگەیاندنی یەكێتییەوە ئامادەو چاپ دەكرێت و ناوەندەكەی لە مەكتەبی راگەیاندنی یەکێتییە لە شاری سلێمانی و لە 36 لاپەرە پێكدێت"، هۆزان عەفرینی وای وت.

سەرنووسەری رۆژنامە و ماڵپەری خەڵات ئاماژە بەوەش دەکات: "ماڵپەری خەڵات بە زاراوەی كرمانجی لە 1/6/2023 لە ساڵیادی دامەزراندنی یەكێتی راگەیەنرا و دەستی بە كارەكانی كرد، کە پێشوازی لە هەموو نووسەران و شاعیران و رۆژنامەنوسان و سەرجەم چالاكییە هونەری و ئەدەبییەکان دەكات".

"ژمارەی سفری رۆژنامەی خەڵات لە 27/9/2023 لە رۆژی پێنجەمین کۆنگرەی یەكێتیی نیشتمانیی كوردستان لە چاپ دەرچووە و گەیشتە بەردەستی ئەندامانی كۆنگرە كە چەندین دیدار و چاوپێكەوتن و راپۆرت و چالاكیە رۆشنبیری و هونەرییەکانی شاری سلێمانی و بابەتی گرنگی هەمەرەنگی لە خۆ گرتووە"، عەفرینی وا دەڵێت.


PUKMEDIA