‎دیدارێکی مێژوویی سەرۆک مام جەلال بڵاودەکرێتەوە

PUKMEDIA

کتێبی جەلال تاڵەبانی و هەڵدانەوەی چەند لاپەڕەیەکی مێژوو

دیدارێکی دەگمەن و مێژوویی سەرۆک مام جەلال کە رۆژنامەنووسی بەناوبانگ غەسان شربل لەگەڵی ئەنجامداوە بەزمانی کوردی چاپ و بڵاو دەکرێتەوە، کە تێیدا راستی رووداوە مێژووییەکانی راپەڕین و شەڕی ناوخۆ و خیانەتی ٣١ی ئاب و پێشتریش مفاوەزاتی نێوان کوردو حکومەتی عیراق لە هەشتاکانی سەدەی پێشوو، کارەساتی هەکاری، کودەتا سەربازییەکانی عیراق، پەیوەندییەکانی لەگەڵ سەرکردەو سیاسەتمەدارانی دنیا و چەندین پرسی تری سیاسی و مێژوویی لەخۆ دەگرێت.

‌‎لە درێژەی زنجیرە چاپکراوەکانی ناوەندی هەولێری مەکتەبی راگەیاندنی یەکێتیی نیشتمانیی کوردستان و لە نوێترین چاپکراویدا کتێبی (جەلال تاڵەبانی و هەڵدانەوەی چەند لاپەڕەیەکی مێژوو) کە دیدارێکی مێژووییە لەلایەن رۆژنامەنووس غەسان شربل ئەنجامدراوە، لەسەر ئەرکی دەرباز کۆسرەت رەسول چاپکراوە.

‎لەم دیدارەیدا مام زۆر بەوردی باس لە رووداوە مێژووییەکان دەکات و پەردە لەسەر زۆر نهێنی هەڵدەماڵێ کە بۆ یەکەمجارە  بە زمانی کوردی بڵاودەکرێنەوە.

‎دیدارەکە لەلایەن شاناز هیرانی-یەوە وەرگێڕدراوەتە سەر زمانی کوردی و پێشەکی و بەدواداچوون و پەراوێزەکانی لەلایەن پرۆفیسۆر د. ئەحمەد حەمەدەمین بۆ نووسراوەو لە ئایندەیەکی نزیکدا لە مەراسیمێکدا لە پایتەخت و شارەکانی تری کوردستان بڵاودەکرێتەوە.

PUKMEDIA