کادر و ئابوریناسی بڵاودەکرێتەوە

PUKMEDIA

نامیلکەی کادرو ئابوریناسی

کادرو ئابوریناسی نوێترین بەرهەمی د. بێستون سابوراوایی، لە بڵاوکراوەکانی مەکتەبی گەشەپێدانی بیروهۆشیارییە بڵاوکرایەوە.

سەبارەت بە نامیلکەکە نووسەر دەڵێت: "هەوڵمانداوە بە شێوازێکی ئاسان و زانستیانە سەبارەت بە ئابوری و هەندێک زاراوەی وابەستە بەو زانستە بدوێین و روونیان بکەینەوە و پوختەی هەندێک بابەتی ئابوری سۆسیالدیموکراتی بخەینەڕوو".

"هەموو مرۆڤێک لە هەر جێگە و شوێن و کاتێکدا بژی پێویستی بە ئابورییە و بیەوێت یان نەیەوێت دەچێتە ناو هەندێک چالاکی ئابورییەوە، یان خۆی دەبێتە جێگە و مەبەست و ئامرازێکی چالاکییە ئابورییەکان"، نووسەر وادەڵێت.

نامیلکەکە بریتییە لە دوو بەش کە ٧١ لاپەڕەیە، لە بەشی یەکەمدا کۆمەڵێک بابەت باسکراوە وەکو، ئابوری چییە؟  زانستی ئابوری چییە؟ وەبەرهێنانی دارایی، پاشەکەوت، پاشەکەوتی میللی و چەند بابەتێکی یدکە.

لە بەشی دووەمی نامیلکەکەشدا کۆمەڵێک بابەت باسکراون وەکو، سیاسەتی ئابوری سۆسیالدیموکراتی، دەنگدەر لە بەرنامەی ئابوریدا، داهێنانی نوێ، باج و رسومان و چەند بابەتێکی دیکە.

نووسەر دەشڵێت: "کادرانی رێکخستن و هەڵسوراوانی بواری کاری جەماوەریی لە هەموومان زیاتر پێویستمان بە بەرچاوڕوونی هەیە لەو رووەوە. ئێمەش ئەم نامیلکەیەمان بەو مەبەستە ئامادەکردووە و بە پێویستی دەزانین بایەخ بە خوێندنەوە بدرێت".
PUKMEDIA