پرسەنامەی کۆسرەت رەسوڵ بۆ کۆچیدوایی حەیدەر فەیلی

PUKMEDIA

پرسەنامە

سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان بۆ کۆچی دوایی حەیدەر فەیلی پتسەنامەیەک ئاڕاستەی خانەوادەکەی دەکات.

دەقی پرسەنامەکە...

کۆسرەت رەسول هاوخەمی بۆ کۆچی دوایی حەیدەر فەیلی دەردەبڕێت

بەڕێزان: خانەوادەو کەسوکاری کاک حەیدەر فەیلی

بەداخێکی زۆرەوە هەواڵی کۆچی دوایی تێکۆشەری دێرین و ئەندامی پێشووی مەکتەبی سیاسی حزبی شیوعی و وەزیری پێشووتری گواستنەوەی حکومەتی هەرێم (حەیدەر فەیلی)م بیست، دڵگران و خەمباری کردم، هاوبەشی خەمتانم.

کاک حەیدەر فەیلی تێکۆشەرێکی دیاری گەلەکەمان بوو، ژیانی خۆی بۆ خزمەتی گەلەکەی تەرخان کردبوو، رۆڵێکی دیارو بەرچاوی هەبوو لە خزمەتکردن و هەمیشە لەگەڵ ئاشتی و ئارامی و پێکەوە ژیان بوو، خوازیاربوو خزمەتی گەلەکەمان بکرێت، بەداخەوە بۆ لەدەستدانی ئەو تێکۆشەرە گەلەکەمان.

پرسەو سەرەخۆشی و هاوخەمی خۆم ئاراستەی خانەوادەو کەسوکارو هاوڕێیانی کۆچکردوو دەکەم، هیواخوازم ئەمە دواکۆست و ناخۆشی هەموو لایەک بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان

PUKMEDIA