ئاڵێ عومەر... تەمەنێکی کەم و بەرهەمێکی ناوازە

PUKMEDIA

ئاڵێ عومەر

کچە منداڵێکی کورد کتێبێک بە زمانی ئینگلیزی دەنووسێت و لەو رێگایەوە هانی هاوتەمەنەکانی دەدات کە لە رێگا راستەکە لانەدەن و واز لە خوێندن نەهێنن.

ئاڵێ عومەر کە خوێندکاری قۆناغی شەشی سەرەتاییە لەبارەی کتێبەکەیەوە کە بەزمانی ئینگلیزی نووسیویەتی بە سایتی رەسمی یەکێتیی نیشتمانیی کوردستان PUKMEDIA ی راگەیاند: "کتێبەکەم کە بە ناونیشانی  a Shortcut can lead to a mess  (کورتە رێگایەک دەتوانێت بەرەو هەڵە ئاراستەمان بکات)، ئەم کتێبەم باسی کچێک دەکات لە کۆتایی قۆناغەکانی خوێندنگەیەتی و ئەچێتە ناو هەندێک بابەتی خراپ کە لەلایەن هاوڕێکانییەوە ئاڕاستە دەکرێت ئەوەش تەنها لەپێناو ئەوەی لای خەڵک خۆشەویست بێت".

ووتیشی: "هاوڕێکانی هاندەرێک دەبن بۆئەوەی ئەم کچە لە خوێندن دووربکەوێتەوە و لەرێگا راستەکەی خۆی لابدات".

ئەم کتێبە لەلایەن رۆژنامەی کوردستانی نوێ/ مەکتەبی راگەیاندنی کوردستانی نوێوە بەچاپ گەیەندراوە.

PUKMEDIA