داهاتی ئه‌مڕۆی سلێمانی زیاتر له‌ 5 ملیار دیناره‌

شەفافییەت

داهاتی رۆژی 22/12ی گه‌نجینه‌كان 5 ملیار و 51 ملیۆن و 60 هه‌زار و 440 دینار بووه‌ كه‌ نوێترین ئه‌پده‌یتی سایتی شه‌فافیه‌ته‌ بۆ چاودێری و رێكخستنی داهاته‌ نانه‌وتییه‌كانی سلێمانی و هه‌ڵه‌بجه‌ و هه‌ردوو ئیداره‌ی راپه‌ڕین و گه‌رمیان.

به‌گوێره‌ی داتای نوێی سایتی شه‌فافیه‌ت، زۆرترین داهات له‌ گه‌نجینه‌ی 2 تۆماركراوه‌ كه‌ 3 ملیار دیناره‌ و دوای ئه‌و گه‌نجینه‌ی یه‌ك كه‌ یه‌ك ملیار دینار بووه‌و له‌ گه‌نجینه‌ی گه‌رمیان 151 ملیۆن و له‌ گه‌نجینه‌ی هه‌ڵه‌بجه‌ 36 ملیۆن دیناربووه‌ و گه‌نجینه‌ی راپه‌ڕین 134 ملیۆن دینار و گه‌نجینه‌ی چه‌مچه‌ماڵ 5 ملیۆن دینار تۆماركراوه‌.

هه‌ر به‌گوێره‌ی زانیارییه‌كانی سایتی شه‌فافیه‌ت كه‌ 10 زۆرتین داهات دیاریكراوه‌، له‌و بڕه‌ 272 ملیۆن داهاتی جۆراوجۆر و 536 ملیۆن باجی گومرگی كه‌لوپه‌لی هاورده‌كراو، 226 ملیۆن هاوبه‌شی، 219 ملیۆن به‌كرێدانی بینای نیشته‌جیبوون، 218 ملیۆن باج له‌سه‌ر كۆمپانیای كه‌رتی تایبه‌ت، 167 ملیۆن رسوماتی تر ، 159 ملیۆن باجی عه‌قار،  136 ملیۆن باج له‌سه‌ر خاوه‌ن كار.

سایتی شه‌فافیه‌ت  ئۆپشنی 6 گه‌نجینه‌ و 27 وه‌زاره‌ت و 600 فه‌رمانگه‌ی تێدا دیاریكراوه‌ و رۆژانه‌ زانیاری و داتاكان له‌م رێگه‌ دیجیتاڵییه‌وه‌ بۆ هاووڵاتیان ده‌خرێته‌ روو تاوه‌كو شه‌فافیه‌تی داهات بۆ هه‌مووان بێت.

ئه‌م پڕۆژه‌یه‌ یه‌كه‌مینجاره‌ له‌سه‌ر ئاستی عیراق و هه‌رێمی كوردستان هه‌یه‌ و له‌لایه‌ن قوباد تاڵه‌بانی جێگری سه‌رۆكوه‌زیرانه‌وه‌ راگه‌یه‌ندراوه‌ وه‌ك هه‌نگاوی یه‌كه‌م.

پێشتر سه‌رچاوه‌یه‌كی ئاگادار به‌ سایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: "رۆژانه‌ و سه‌عات به‌سه‌عات سه‌رجه‌م داهاتی گه‌نجینه‌كان له‌رێی سایتی شه‌فافیه‌ته‌وه‌ https://shafafiat.com/ تۆمارده‌كرێت و بڵاوده‌كرێته‌وه‌".
PUKMEDIA