ساڵیادی کۆچی دوایی مامۆستا موحسین عەلی ئەکبەر بەڕێوەچوو
کوردستان 04:47 PM - 2022-12-01ئارامگای مامۆستا موحسین عەلی ئەکبەر
لە ساڵیادی
کۆچی دوایی مامۆستا موحسین عەلی ئەکبەر تێکۆشەر و رووناکبیر و سیاستمەدار، لە
خانەقین ریورەسمێکی شایستە رێکخرا و لەشاری سلیمانیش تاجە گوڵینە لەسەر گۆڕی
خوالیخۆشبوو دانرا.
بە
ئامادەبوونی هاوڕێ و هاوخەبات و خێزان و کەسوکارەکەی و ژمارەیەک لە ئەندامانی
مەکتەبی سیاسی و سەرکردایەتی یەکێتیی نیشتمانیی کوردستان، ئەمڕۆ پێنج شەممە 1-12-2022، لە شاری خانەقین،
ساڵیادی کۆچی دوایی مامۆستا موحسین عەلی ئەکبەر، تێکۆشەر و رووناکبیر و سیاسەتمەدار
بەرێوەچوو.
مەلا
بەختیار ئەندامی ئەنجومەنی باڵای بەرژەوەندییەکانی یەکێتیی نیشتمانیی کوردستان وتارێکی
پێشکەشکرد و رایگەیاند: "مامۆستا موحسین یەکێک بوو لەو تێکۆشەرانەی کە لە لاوێتییەوە
تا ئەوڕۆژەی چووە ئامێزی هەمیشەیی و نەمری، لە سەنگەری کوردایەتی و دیموکراسی و دادپەروەری
و رەوشتی سیاسی و وەفای سیاسی مایەوە، دەبێت هەموومان شانازی پیوەبکەین".
ئاماژەی
بەوەشدا: "مامۆستا موحسین رۆشنبیرێک و سیاسییەکی زۆر شارەزا و لێزان بوو، مامۆستا
موحسین لە درێژایی ژیانیدا ئازاری کەسی نەداوە و لە خەباتی سیاسی دا پیاوێکی تەواو
پاک و راستگۆ بوو".
پاشان پەیامی
هاوخەمی مەکتەبی رێکخستنی یەکێتیی نیشتمانیی کوردستان بۆ ساڵیادی کۆچی دوایی مامۆستا
موحسین لەلایەن بەمۆ شێخانی-یەوە خوێندرایەوە و ئاماژەی بەوەدا: "ساڵێک
بەرلەئیستا پیاوێک کە هەموو تەمەنی خۆی بەخشییە کورد و کوردایەتی لەپێناو بەدەسهێنانی
ئازادی و رزگاری کوردستان-دا، تێکۆشەر و پێشمەرگەی دێرین و رووناکبیر و میدیاکار و
هەنورمەند "مامۆستا موحسین عەلی ئەکبەر" ماڵئاوایی یەکجاری لێکردین و
بەجێیهێشتین و گەشتە کاروانی نەمران، جارێکی دیکە لەم یادە پڕشکۆیەدا بەناوی
لێپرسراو و هەموو هەڤاڵانی مەکتەبی رێکخستنەوە پرسە و سەرەخۆشی خۆمان ئاڕاستەی
خانەوادە و بنەماڵە تێکۆشەر و هاوڕێ و هاوخەبات و لەخۆشمان دەکەین و ئومێدەوارین
کۆتا ناخۆشی ئەم خانەوادە کوردپەروەرە بێت و رۆحی مامۆستا موحسین عەلی ئەکبەر
هەمیشە ئارام و ئاسودەبێت.
دواتر بە
زمانی عەرەبی وتاری مەڵبەندی هەشتی رێکخستنی خانەقین لەلایەن هێرش حەبیب ئەندامی
سەرکردایەتی یەکێتیی نیشتمانیی کوردستان و لێپرسراوی مەڵبەندی هەشتی رێکخستنی
خانەقین خوێندرایەوە.
هەر لە
ساڵیادی کۆچی دوایی مامۆستا موحسین عەلی ئەکبەر دا وەک وەفایەک بۆ خەبات و
تێکۆشانی مامۆستا موحسین، سەرلەبەیانی ئەمڕۆ هەڤاڵ سەرکەوت زەکی ئەندامی مەکتەبی
سیاسی و لێپرسراوی مەکتەبی رێکخستن بەهاوڕێیەتی ژمارەیەک لە ئەندامانی سەرکردایەتی
و ئەندامان و کادیرانی مەکتەب، سەردانی یەکەمین ساڵیادی ئەو تێکۆشەر و و
رووناکبیرەیان کرد لە گۆڕستانی سەلیم بەگ لە سلێمانی.
سەرکەوت زەکی دوای دانانی تاجەگوڵینەی مەکتەبی رێکخستن، باسی لە
مێژووی خەباتی بێوچانی مامۆستا موحسین کرد کە مێژووێکی پڕسەروەریی بۆ خۆی و
بنەماڵەکەی و یەکێتیش تۆمارکردووە، لە چەندین وێستگەی کوردایەتیدا بەشداریکردووە.
ئاماژەی بەوەش دا: "لەسەرەتای دروستبوونی کۆمەڵە و یەکێتی دا
یەکێک بووە لە تێکۆشەرەکانی مەیدانی خەبات، لە دوای راپەڕینیش چەندین پۆست و پلەی
حزبی و حکومی وەرگرتووە و سەرکەوتوانە ئەرکەکانی جێبەجێکردووە.
ژیاننامەی مامۆستا موحسین عەلی ئەکبەر
مامۆستا
موحسین لە خانەقین-ى ئەڵوەنەوە ساڵى 1950 چاوى بەدونیا هەڵهێناوە و قۆناغەکانى
خویندنى سەرەتایی و ناوەندى و ئامادەیی لە خانەقین تەواو کردووە، لە سەرەتایی
لاوێتییەوە هەستى بەو زوڵم و ستەمە کردووە کە دەرهەق میللەتەکەى دەکرێت، پەیوەندى
بەشۆڕشی گەلى کوردەوە دەکات و تاوەکو لەو پێناوەدا تێیبکۆشێت و دۆزى رەواى گەل و
نیشتمانەکەى بەئامانجى نەتەوەیی بگاتە مەنزڵى رزگارى و مافە زەوتراوەکان
بسەنرێتەوە.
مامۆستا موحسین لە ساڵى 1971 لە ئەڵقە رۆشنبیریەکانى کۆمەڵەى
رەنجدەرانی کوردستان وەرگیراوە و بۆ ساڵى دواتر بووە بە ئەندام، ساڵى 1974 خوێندنى
پەیمانگاى پێگەیاندنى مامۆستایان لە هەولێر تەواو کردووە، ساڵى 1978 پەیوەندى
بەڕیزەکانى هێزى پێشمەرگەى کوردستانەوە کردووە و دواتر گواستراوەتەوە بۆ مەکتەبى
راگەیاندن و لەوێ بۆتە بەرپرسی بەشى کوردى لە ئیزگەى گەلى کوردستان.
لە ساڵى 1979 بۆ 1980 نوێنەرى یەکێتى بووە لە شارى سەردەشت لە
خۆرهەڵاتی کوردستان و دواتر بوە بە نوێنەرى یەکێتى لە تاران.
لە ساڵى 1985 کراوەتە لیپرسراوى رێکخراوى چوارى سلێمانى کۆمەڵە،
لە ساڵى 1986 کراوەتە ئەندامى دەزگاى ناوەندى رێکخستنى کۆمەڵە، ساڵى دواتر وەکو
ئەندامى مەکتەبى راگەیاندن کراوەتە لیپرسراوى بەشى چاپخانە و تاکو 1990 لە
پۆستەکەى بەردەوام بووە.
مامۆستا موحسین دواى راپەرین بووە بەکارگێڕى مەڵبەندى سلێمانى،
ساڵى 1996 بۆ 1998 لێپرسراوى مەڵبەندى گەرمیان بووە، ساڵى 1999 بوە بە لێپرسراوى
مەڵبەندى شارەزور، هەر ئەو ساڵە پۆستى وەزیرى کاروبارى کۆمەڵایەتى وەرگرتوە لە
حکومەتى هەرێم ئیدارەى سلێمانی.
لە دواى روخانى رژێمى بەعس لە ساڵى 2003 تاوەکو
2006 بۆتە لێپرسراوى مەڵبەندى خانەقین، لە ساڵى 2005 بە ئەندامى پەرلەمانى
کوردستان هەڵبژێردراوە، لە ساڵى 2010 بۆتە ئەندامى لیژنەى باڵاى مەکتەبى رێکخستن،
دواتریش لێپرسراوى مەڵبەندى رێکخستنى خانەقین بووە.
راستە مامۆستا موحسین سیاسی بوو و وەزیر و چەندین پۆستى
تری هەبووە، بەڵام لە پاڵ سیاسەتەکەیدا هونەرمەندێکى دەستڕەنگین و رۆشنبیر و
نووسەر و ئەدیب بوو.
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26