یەكێتی هەوڵ بۆ یەكڕیزی كورد و لایەنە كوردستانییەكان دەدات
کوردستان 05:31 PM - 2022-11-24یەكێتی هەوڵی یەكڕیزی و یەكگوتاری كورد دەدات
یەکێتیی نیشتمانیی کوردستان جارێکی دیکە هاوینەهەواری دوکانی کردەوە بە هەواری سیاسیی کوردستانی و بە دەستپێشخەری سەرۆک بافڵ تاڵەبانی کۆبوونەوەی لوتکە بە ئامادەبوونی کەسی یەکەمی زۆربەی حزبەکان بەرێوەچوو، تێیدا نزیکەی 5 سەعات گفتوگۆی سیاسیی لەسەر چەندین پرسی سیاسی، ئابووری، حوکمرانی و پێشهات و ئامادەیی کورد بۆ رووداوەکان کرا لەسەر ئاستی هەرێمی و ناوخۆیی و عیراقی و یەکریزی و یەکگوتاری هیزە کوردستانییەکان پشتیوانی لێکرا، وەکئەوەی یەکێتی بە بنەمای کارکردنی دروستی دەزانێت لە عیراق و هەرێمیش.
د. رێبوار ئیسماعیل ئەندامی سەركردایەتی یەكێتیی نیشتمانیی كوردستان بۆ سایتی رەسمی یەكێتیی نیستمانیی كوردستان PUKMEDIA رایگەیاند: "یەكێتی هەڵوێستێكی نیشتمانیی روونی هەیە كە هەوڵدەدات بۆ یەكڕیزی كورد و لایەنە كوردستانییەكان، بۆ ئەوەی قەوارەی هەرێم پارێزراوبێت و روبەڕووی هەموو ئەو هەڕەشانە ببێتەوە كە مەترسین بۆ سەر ئەزموون و قەوارەی هەرێمی كوردستان و چارەسەركردنی كێشەكانی نێوان هەرێم و بەغدا".
بە گفتوگۆ و لێكتێگەیشتنی لایەنەكان قەوارەی هەرێم بەهێزتر دەبێت
"لە سەردەمی هەڤاڵ مام جەلال و دوای كۆنگرەی چواریش، یەكێتیی نیشتمانیی كوردستان، هەوڵی بێوچانی داوە بۆ ئەوەی بە گفتوگۆ و لێكتێگەیشتن حكومەتی هەرێم و قەوارەكەی بەهێزتر بكرێت و ئەو قەیرانانەی كە روبەڕووی هەرێم دەبنەوە كە بەشێكی بۆ كەموكوڕی ناوخۆیی دەگەڕێتەوە چارەسەر بكرێن" د. رێبوار ئیسماعیل وادەڵێت.
هەلومەرجی ناوچەكەش ئەوە دەخوازێت كە یەكگرتوو و تەبابین
ئەو ئەندامەی سەركردایەتی یەكێتیی نیشتمانیی كوردستان راشیگەیاند: "چارەنووسی كوردستان و حكومەتەكەی بەندە بە لێكتێگەیشتنی لایەنەكان كە بە دڵنیاییەوە ئەوەش بە گفتوگۆ و دانوستان دەبێت، یەكێتیی نیشتمانیی كوردستان هەوڵدەدات لەرێی دانووستانەوە دیدی خۆی بگەیەنێتە هەموو كوردستان، هەم دیدی هەموو لایەنەكانیش وەربگرێت بۆ ئەوەی بێ پێچ و پەنا كێشەكان لەناوخۆی هەرێمدا چارەسەر بكرێن بەبێ دەستێوەردانی دەرەكی، بێگومان هەلومەرجی ناوچەكەش ئەوە دەخوازێت كە یەكگرتوو و تەبابین".
د. رێبوار ئیسماعیل وتیشی: "قۆناغ و دۆخی سیاسیی لە هەرێم و عیراق و هاوكێشە سیاسییەكانیش وادەخوازێت كە بە وردی گوێ لە یەكتر رابگرین و بە هەڵوێستی شۆڕشگێڕانە و بەرپرسیارانە روبەڕووی كێشەكان ببینەوە".
"هەوڵەكانی یەكێتیی نیشتمانیی كوردستان و سەرۆك بافڵ جەلال تاڵەبانی بۆ چارەسەركردنی كێشەكان ئەركێكی گرنگ و گرانە، لەبەر ئەوەی دەیەوێت نێوماڵی كورد یەكبخاتەوە بۆ ئەوەی هەرێمی كوردستان هەڵوێستێكی رونی لەگەڵ بەغدا و هێزە نەتەوەیی و نێودەوڵەتییەكاندا هەبێت" ئەندامەكەی سەركردایەتی یەكێتی وادەڵێت.
هەموو ئەو لایەنانەی بەشداری كۆبوونەوەكەی هاوینەهەواری دوكانیان كرد یەكدەنگی كوردیان دەوێت
دەشڵێت: "هەموو ئەو لایەنانەی بەشداری كۆبوونەوەكەی ئەمڕۆی هاوینەهەواری دوكانیان كرد دەیانەوێت قەوارەی هەرێم پارێزراوبێت و كورد یەكدەنگبێت".
فۆڕمە كۆنەكەی حوكمڕانی لە هەرێم سەركەوتوو نەبوو
د. رێبوار ئیسماعیل راشیگەیاند: "یەكێتی پێیوایە فۆڕمە كۆنەكەی حوكمڕانی لە هەرێم سەركەوتوو نەبوو بۆیە دەبێت فۆڕمێكی نوێ لە پڕۆسەی ئیدارەدانی هەرێم بە بەشداری سەرجەم لایەنەكان بێتەكایەوە".
PUKMEDIA
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26