رۆژێك بۆ بەخشینی زانیاری میدیایی بۆ میدیاكارانی سلێمانی

ئێوارەی ئەمڕۆ 25-7-2022 لەهۆڵی لینێكس لە شاری سلێمانی، رێكخراوی گەشەپێدانی ئەكادیمی و لقی سلێمانی سەندیكای رۆژنامەنووسانی كوردستان سیمینارێكی میدیاییان رێكخست. 
لە سیمینارەكەدا كە ژمارەیەكی زۆر لە خوێندكارانی راگەیاندن و رۆژنامەنوسان و میدیاكاران ئامادەیبوون، لە سێ تەوەردا  زانیاریی لەسەر (میدیاكار لەبەردەم یاسا بەركارەكانی كوردستان و عیراقدا) لەلایەن كاروان ئەنوەر سكرتێری لقی سلێمانی سەندیكای رۆژنامەنووسانی كوردستان، چۆنیەتی ئەنجامدانی پرۆمۆت و سپۆنسەرو دەستكەوتی ماددی لەتۆڕە كۆمەڵایەتیەكاندا لەلایەن مامۆستای بەئەزمونی تایبەتمەند فەرمان عەبدولڕەحمان، بێژەری سەركەوتو كێیە، مەرجەكانی سەركەوتنی چین، لەلایەن بێژەری  بەئەزموون خاوەن قەرەدا‌غی) پێشكەش  بە خوێندكاران  و  میدیاكاران كرا. 
لەكۆتایی سیمینارەكەدا بڕوانامەی باوەڕپێكراوی لقی سلێمانی سەندیكای رۆژنامەنوسان و رێكخراوی گەشەپێدانی ئەكادیمی بەخشرایە بەشداربوان.
PUKmedia ڤینۆس تۆفیق