وەزیری كشتوكاڵ: هەوڵی ساخكردنەوەی بەرهەمە خۆماڵییەكان دەدەین

بەمەبەستی لەنزیكەوە گفتوگۆكردن لەگەڵ خاوەنكار و جوتیاران، وەزیری كشتوكاڵی هەرێم كێڵگەی جوتیاران لە قەزای بەردەڕەش بەسەردەكاتەوە.

ئەمڕۆ چوارشەممە 20-7-2022 بێگەرد تاڵەبانی وەزیری كشتوكاڵی هەرێم بە یاوەری وەفدێكی وەزارەت سەردانی كێڵگەی جوتیارانی بەردەڕەش و كارگەی بەرهەمهێنانی پەتاتەی پیشەسازی و خۆراكی كارگەی جوتیارانی لە پارێزگای دهۆك كرد.

لەو بەسەركردنەوەیەدا وەزیری كشتوكاڵ پشتیوانی خۆی بۆ بەرهەمهێنان و ساخكردنەوەی بەرهەمە خۆماڵییەكان دەربڕی و جوتیارانی دڵنیا كردەوە لە چارەسەركردنی كێشەی داخستنی سنووری مەرزەكانی عیراق بەڕووی بەرهەمی هاوردە لە دەرەوە بە هەماهەنگی لە گەڵ وەزارەتی كشتوكاڵی عیراق. 

PUKmedia کۆسرەت فەیسەڵ كەتۆ