پزیشكێكی سلێمانی بڕوانامه‌یه‌كی ده‌گمه‌ن له‌به‌ریتانیا به‌ده‌ستده‌هێنێت

پزیشكێكی كوردی شاری سلێمانی توانی له‌سه‌ر ئاستی عیراق بڕ‌وانامه‌یه‌كی ده‌گمه‌ن له‌ وڵاتی به‌ریتانیا به‌ده‌ست بهێنێت.

پزیشكێكی كورد به‌ناوی دكتۆر گۆران فریاد له‌وڵاتی به‌ریتانیا توانی  بۆیه‌كه‌م جار له‌سه‌رئاستی  عێراق به‌ پله‌ی یه‌كه‌م بڕ‌وانامه‌ی ماسته‌ر له‌ بواری (پسپۆڕ‌ییه‌تی نه‌شته‌رگه‌ری چاندنی گورچیله‌ MCs)ـی له‌ به‌ریتانیا به‌ده‌ست بهێنێت.

دكتۆر گۆران فریاد دانیشتوی شاری سلێمانیه‌و ١٥ ساڵه‌ له‌بواری نه‌شته‌رگه‌ری  گورچیله‌و وه‌ك ئه‌ندامێكی ده‌سته‌ی دامه‌زرێنه‌ری چاندنی گورچیله‌ و ئه‌ندامه‌كان كارده‌كات و ماوه‌ی خوێندنه‌كه‌ی بۆ ئه‌م بڕ‌وانامه‌یه‌ 4 ساڵی خایاند، هه‌روه‌ها پسپۆڕه‌ له‌بواری نه‌شته‌رگه‌ری یورۆلۆجی و چاندنی گورچیله‌و پسپۆڕ‌ی نه‌شته‌رگه‌ری گورچیله‌ و میزه‌ڵدان و پڕ‌ۆستات.

PUKmedia تایبه‌ت