كۆیه‌.. توشبوانی كۆلێرا له‌زیادبووندان

به‌ڕێوه‌به‌رایه‌تی گشتی ته‌ندروستی كۆیه‌ ڕایگه‌یاند، حه‌وت حاڵه‌تی توشبوون به‌ نه‌خۆشی كۆلێرا له‌ قه‌زای كۆیه‌ تۆماركرا.

دوای زیادبوونه‌وه‌ی ئاماره‌كانی داغڵبوونی نه‌خۆش له‌ نه‌خۆشانه‌كان وه‌رگرتنی سامپڵ له‌نه‌خۆشه‌كان بۆ  پشكنینی نه‌خۆشی كۆڵێرا بۆ تاقیگه‌ی سه‌ره‌كی له‌هه‌ولێر  دوای گه‌ڕانه‌وه‌ی ئه‌نجامه‌كان، حه‌وت پشكنینیان به‌ (پۆزه‌تیڤ ) گه‌ڕاونه‌ته‌وه‌ كه‌ (پێنج) حاڵه‌تی له‌ ته‌ق ته‌ق و (دوو)  حاڵه‌ت له‌ناو سه‌نته‌ری قه‌زای كۆیه‌ بووه‌.

به‌ڕێوبه‌رایه‌تی ته‌ندروستی كۆیه‌ داوا له‌هاووڵاتی ده‌كات، زیاتر پابه‌ندی رێنماییه‌كانی خۆپارێزی و ڕێنماییه‌  ته‌ندروستییه‌كان بن و پاكوخاوێنی كه‌سی و دڵنیابوونه‌وه‌ له‌ ئاوی پاكی خواردنه‌وه‌ و خۆراك بن و له‌كاتی ده‌ركه‌وتنی نیشانه‌كانی سكچوون به‌زووترین كات سه‌ردانی  ده‌زگاكانی ته‌ندروستی بكه‌ن له‌پێناو ڕێگریكردن له‌ ئاڵۆزكانیه‌كان و سه‌لامه‌تیان.

PUKmedia كاروان نازم  / كۆیه‌