كوردێك لە حكومەتی بەریتانیا پۆستێكی باڵا وەردەگرێت

سەرۆك وەزیرانی بەریتانیا پۆستی وەزارەتی دارایی دەداتە كوردێك كە لە حكومەتدا دوای سەرۆك وەزیران و جێگركەی بە پۆستێكی باڵا دادەنرێت.

پاش دەست لە كاركێشانەوەی هەردوو وەزیری دارایی و تەندروستی بەریتانیا، سەرۆك وەزیرانی بەریتانیا پۆستی وەزیری دارایی دەداتە نەدیم زەهاوی.

هاوكات پێش ئەوەی بچێتە سیاسەتەوە، بازرگانێكی سەركەوتوو بووە،  ساڵی 2005-2010 كۆمپانیای شیكاری داتای یۆگۆڤی دامەزراند،  لە ساڵی 2005-2010 وەك بەڕێوەبەری جێبەجێكاری هەمان كۆمپانیا خزمەتی كردووة.

دواتر بوو بە ڕاوێژكاری ئێم پی جیفری ئارچەر، كە یارمەتی زیاتریدا لە گەشتە سیاسییەكەی، زەهاوی بوو بە ئەندامی ئەنجومەنی  پارێزگار لە شاری واندسوۆرپی لەندەن، لە ساڵی 1994-2006 خزمەتی كردووە.

دوای خزمەتكردن بە رۆڵەكان وەك وەزیری لاو بۆ پەروەردە و بازرگانی، لە ساڵی 2021 لە لایەن بۆریس جۆنسۆنەوە وەك سكرتێری پەروەردە دەستنیشان كرا.

زەهاوی بەشداری لە دامەزراندنی وەكالەتی بازارگەری لەڕێگای تۆڕی ئینتەرنێتی (YouGov)  كردووە، ئەمەش لە كاتێكدایە كە پێشتر نەدیم زەهاوی وەزیری پەروەردەی بەریتانیا بووە.

بەپێیی سەرچاوەیەكی (بی بی سی) لەبارەی نەدیم زەهاوی دەدوێت و دەڵێت: زەهاوی لە شاری بەغدا لە دایك بووە و بە ڕەچەڵەك كوردە و لە ساڵی 2-6-1967 لە دایك بووە، هاوكات لەتەمەنی نۆ ساڵیدا لەگەڵ خێزانەكەی كۆچیكردووە بەرەو ولایەتە یەكگرتووەكانی ئەمریكا، نەدیم خوێندنی لە  كینغ كولدج لە ویمبلدن تەواو كردووە، و خوێندنی زانكۆشی لە یونفێرستی كولدجی لەندەن تەواو كردووە، دواتر هاوسەرگیری ئەنجامدا ولەكاتی ئێستادا خاوەنی سێ منداڵە.

PUKmedia ئاژانسەكان