پۆلیسی هەولێر بكوژی ژن و مێردەكە ئاشكرا دەكات

پۆلیسی هەولێر لەبارەی كوژرانی ژن و مێردەكەی گەڕەكی سورپای هەولێر رایگەیاند: بەپێی لێكۆڵینەوە سەرەتایەكانمان ئەو كەسەی ژن و مێردەكەی كوشتوە برای ژنەكەیەو هۆكارەكەشی بۆ كێشەیەكی خێزانی دەگەڕێتەوە. 

روونكردنەوەیەك لە بەڕێوەبەرایەتی پۆلیسی پارێزگای هەولێرەوە
ئەمڕۆ بەیانی ڕێكەوتی (٣٠-٦-٢٠٢٢)، ڕووداوێكی كوشتن لە سنوری شاری هەولێر لە گەڕەكی (صلاح الدین-شەقامی سورچیان) ڕوویداوە، دوای گەیشتنی هێزەكانی بەڕێوەبەرایەتی پۆلیسی پارێزگای هەولێر بۆ شوێنی ڕووداو دەركەوت كەوا دوو كەس كوژراون كە هاوسەرن بەناوەكانی (زەكەریا ڕوستم جبرائیل) و (سومەییە س. ا.)، دوای لێكۆڵینەوەكان دەركەوت كە تۆمەتباری بكوژ برای (سومەییە)یە بەناوی (س. س. ا.)، هۆكارەكەشی بۆ كێشەیەكی خێزانی دەگەڕێتەوە.
ئێستا هێزەكانمان سەرقاڵی لێكۆڵینەوەن لە شوێنی ڕووداو.

PUKmedia