په‌رله‌مانی كوردستان كۆده‌بێته‌وه‌

بڕیاره‌ ئه‌مڕۆ پێنج شه‌ممه‌ په‌رله‌مانی كوردستان كۆببێته‌وه‌و گفتوگۆ له‌سه‌ر دوو پرس بكات.

به‌پێی راگه‌یه‌نراوێكی په‌رله‌مانی كوردستان، ئه‌مڕۆ په‌رله‌مان بۆ دوو ته‌وه‌ر كۆده‌بێته‌وه‌ كه‌ بریتین له‌....

یه‌كه‌م: خستنه‌ڕوو و گفتوگۆكردنی ڕاپۆرتی لێژنه‌ی (ئاوه‌دانكردنه‌وه‌ و وه‌به‌رهێنان)‌ سه‌باره‌ت به‌ (هۆكاری وه‌ستاندنی پڕۆژه‌كانی ڕێگاوبان و ته‌واونه‌كردنی یه‌كه‌كانی نیشته‌جێبوون له‌ واده‌ی یاسایی دیاریكراوی خۆیاندا)، به‌ئاماده‌بوونی به‌ڕێز وه‌زیری ئاوه‌دانكردنه‌وه‌ و نیشته‌جێكردن، به‌پێی حوكمی بڕگه‌ی (یه‌كه‌م)ی مادده‌ی (٦٦) له‌ په‌یڕه‌وه‌ی ناوخۆی په‌رله‌مانی كوردستان.

دووه‌م: خوێندنه‌وه‌ی دووه‌م بۆ پێشنیازه‌ یاسای (به‌ركاركردنی یاسای فیدراڵی واژۆی ئه‌لكترۆنی و مامه‌ڵه‌ی ئه‌لیكترۆنیه‌كان ژماره‌ (٧٨)ی ساڵی ٢٠١٢ له‌ هه‌رێمی كوردستان-عێراق)، به‌پێی حوكمی مادده‌كانی (٨٧، ٨٨، ٨٩، ٩٧) له‌ په‌یڕه‌وی ناوخۆی په‌رله‌مانی كوردستان.

PUKmedia راگه‌یاندنی په‌رله‌مانی كوردستان