یەكێتی تەئكید لەهەڵوێستی نەگۆڕی خۆی دەكاتەوە

ئەمڕۆ 20-6-2022 لەبارەگای مەكتەبی سیاسی لەسلێمانی، ئەمین بابەشێخ، ئەندامی مەكتەبی سیاسی و لێپرسراوی مەكتەبی پەیوەندیەكان، بەئامادەبوونی سالار سەرحەد خەلیفە، لێپرسراوی بۆردی پەیوەندیە كوردستانیەكان، پێشوازیانكرد لە عەبدولباقی یوسف، سكرتێری حزبی تەڤگەری خۆییبوون لە رۆژئاڤای كوردستان و وەفدی هاوڕێی.
لە كۆبوونەوەیەكدا تیشكخرایە سەر دواین پێشهات و گۆڕانكارییە سیاسیەكانی ناوچەكەو تەئكید لە بەهێزكردنی پەیوەندییەكان و یەكڕیزی و یەكهەڵوێستی كورد كرایەوە لەناوچەكەدا، گۆڕانكاری و ململانێ سیاسیەكان لە عیراق و ناوچەكە كاریگەریان لەسەر پرس و قەوارەی كورد دەبێت لە هەرێمی كوردستان و رۆژئاڤا، هەر بۆیە یەكێتیی نیشتمانیی كوردستان تەئكید لە هەڵوێستی نەگۆڕی خۆی دەكاتەوە بۆ پاراستنی دەستكەوتەكان و هەماهەنگی زیاتر لەنێوان لایەنە سیاسیەكانی كوردو چارەسەركردنی تەواوی كێشەكان لەڕێگەی گفتوگۆو دانوستانەوە.
PUKmedia