خۆڵبارین تاقیكردنەوەكانی پۆلی شەش دوادەخات

وەزارەتی پەروەردەی فیدڕاڵ ئەمڕۆ یەك شەممە رایگەیاند، تاقیكردنەوەكانی پۆلی شەشی سەرەتایی و پۆلە ناكۆتاكانی رۆژی دووشەممە بەهۆی هاتنی شەپۆلێكی نوێی خۆڵبارینەوە دواخرا.

وەزارەتی پەروەردەی عیراق لەڕاگەیەنروێكدا كەوێنەیەكی دەست PUKmedia كەوتووە بڵاویكردەوە: بەلەبەرچاوگرتنی پێشبینییەكان كەلەلایەن كەشناسییەوە دەرچوون لەبارەی هاتنی شەپۆلێكی دیكەی خۆڵبارین و پێداگری و سووربوونمان لەسەر پاراستنی تەندروستی خوێندكاران و قوتابیان، عەلی حەمید دلەیمی  وەزیری پەروەردەی فیدڕاڵ بڕیاریدا تاقیكردنەوەی سبەینێ دووشەممە 23ی ئایاری 2022 ی خوێندكارانی پۆلەكانی شەشی سەرەتایی و پۆلە ناكۆتاكان بۆ رۆژی دوای خۆی دوابخرێت بەهەمان میكانیزم و خشتەی راگەیەنراو.

PUKmedia راگەیاندنی وەزارەتی پەروەردەی عیراق