قوباد تاڵه‌بانی له‌باره‌ی رووداوه‌كه‌ی چه‌مچه‌ماڵ هاته‌ده‌نگ

قوباد تاڵه‌بانی جێگری سه‌رۆك وه‌زیرانی حكومه‌تی هه‌رێمی كوردستان له‌باره‌ی رووداوه‌كه‌ی چه‌مچه‌ماڵ رایگه‌یاندوه‌، هه‌موو هێزه‌ ئه‌منییه‌كانم راسپاردووه‌ به‌ زووترین كات بكوژی ئه‌ندامانی خێزانه‌كه‌ی چه‌مچه‌ماڵ، به‌هه‌ر شێوه‌یه‌ك بێت، ده‌ستگیر بكه‌ن. نه‌ك ته‌نها خۆی، به‌ڵكو جه‌ختیش ده‌كه‌مه‌وه‌ هه‌ر كه‌س و لایه‌نێك له‌هه‌ر پله‌ و پایه‌یه‌كدا بێت داڵده‌و هاوكاری تۆمه‌تبار بدات وه‌ك به‌شداریكردن له‌و تاوانه‌ قێزه‌ونه‌ حیسابیان بۆ ده‌كرێت.

راشیگه‌یاندوه‌، زۆر به‌داخه‌وه‌ له‌ یه‌كه‌م رۆژی جه‌ژنی ره‌مه‌زانی پیرۆزدا به‌هه‌واڵێكی وا قێزه‌ون و دڕندانه‌ رۆژ ده‌كه‌ینه‌وه‌. پرسه‌ و سه‌ره‌خۆشی خۆم ئاراسته‌ی هه‌موو دانیشتوانی چه‌مچه‌ماڵ و به‌ تایبه‌تیش كه‌سوكاری قوربانیانی ئه‌م رووداوه‌ دڵته‌زێنه‌ ده‌كه‌م.

PUKmedia تایبه‌ت