}

لیژنه‌یه‌كی په‌روه‌رده‌ به‌دواداچوون بۆ ڕ‌ێكاره‌ خۆپارێزییه‌كان ده‌كات له‌ خوێندنگاكان

کوردستان 10:50 AM - 2021-10-25

ماوه‌ی چه‌ند ڕ‌ۆژێكه‌ لیژنه‌یه‌كی په‌روه‌رده‌ له‌ به‌ڕ‌ێوه‌به‌رایه‌تی په‌روه‌رده‌ی ڕ‌ۆژهه‌ڵات سه‌ردانی قوتابخانه‌ و خوێندنگاكان ده‌كات بۆ به‌دواداچوون له‌ ئه‌نجامدانی ڕ‌ێكاره‌ خۆپارێزییه‌كان تاوه‌كو ڕ‌ێگری بكرێت له‌ بڵاوبونه‌وه‌ی په‌تای كۆرۆنا له‌ناو قوتابخانه‌و خوێندنگاكان.

جه‌مال مه‌حموود سه‌رۆكی لیژنه‌ی به‌دواداچوون به‌ PUKmediaی ڕ‌اگه‌یاند: ئێمه‌ وه‌ك لیژنه‌ی به‌دواداچوون له‌به‌ڕ‌ێوه‌به‌رایه‌تی په‌روه‌رده‌ی ڕ‌ۆژهه‌ڵات ماوه‌ی چه‌ند ڕ‌ۆژێكه‌ بۆ بئاگاداربوون و به‌دواداچوون بۆ جێ به‌جێ كردنی ڕ‌ێكاره‌ خۆپارێزییه‌كان سه‌ردانی قوتابخانه‌و خوێندنگاكان ده‌كه‌ین و هانی مامۆستایان و خوێندكاران ده‌ده‌ین تاوه‌كو پابه‌ندی ڕ‌ێنماییه‌ ته‌ندروستیه‌كان بن.

وتیشی:ئێمه‌ داوا ده‌كه‌ین مامۆستایان ڤاكسین بكه‌ن و خوێندكارانیش ماسك ببه‌ستن، و هه‌ر كه‌سێكیش ماسك نه‌به‌ستێت ئه‌وا له‌ هۆڵه‌كانی خوێندن ده‌كرێته‌ ده‌ره‌وه‌، به‌ڵام ئێمه‌ هانی خوێندكاران ده‌ده‌ین خۆیان و خێزانه‌كانیان بپارێزن.

مامۆستا جه‌مال ڕ‌اشیگه‌یاند: لیژنه‌كه‌مان به‌رده‌وام ده‌بێت و سه‌ردانی قوتابخانه‌و  خوێندنگاكان ده‌كه‌ین، ده‌مانه‌وێت به‌وشێوه‌یه‌ سه‌رجه‌م خوێندكاران و مامۆستایان ناچاربكه‌ین خۆیان بپارێزن، ڕ‌ۆژانه‌ش سه‌ردانی قوتابخانه‌ و خوێندنگاكان ده‌كه‌ین.
سه‌رۆكی لیژنه‌كه‌ی په‌روه‌رده‌ ئه‌وه‌شی وت: تووشبوون به‌كۆرۆنا له‌ناو خوێندنگا و قوتابخانه‌كان بوونی هه‌یه‌، به‌ڵام به‌وشێوه‌یه‌ش نییه‌ كه‌ بڵێین ڕ‌ێژه‌كه‌ زۆره‌، ئێمه‌ش بۆیه‌ ده‌مانه‌وێت ڕ‌ێكاره‌كان بگرینه‌به‌ر تاوه‌كو دووباره‌ ده‌رگای قوتابخانه‌ و خوێندنگاكان دانه‌خرێنه‌وه‌.

زیاتر له‌هه‌فته‌یه‌ حاڵه‌ته‌كانی توشبوون به‌كۆرۆنا له‌هه‌رێمی كوردستان ڕ‌ووی له‌ هه‌ڵكشان كردووه‌، ئه‌وه‌ش وای كردووه‌ ڕ‌ێكاره‌كان توندبكرێنه‌وه‌، بریاریشه‌ ئه‌مڕ‌ۆ لیژنه‌ی ڕ‌ووبه‌ڕ‌ووبوونه‌وه‌ی كۆرۆنا له‌ هه‌ولێر كۆببێته‌وه‌ و چه‌ند بڕ‌یارێكی نوێ ده‌ربكات.

PUKmedia جه‌مال سه‌رگه‌تی
فۆتۆ/شاد ئیبراهیم 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket