}

وەزارەتی كارەبا هۆشداری دەداتە هاوبەشانی پێوەری زیرەك

کوردستان 10:21 AM - 2021-10-21

وەزارەتی كارەبای هەرێم هۆشداری دەداتە هاوبەشانی كارەبا كە دەستكاری پێوەری زیرەك دەكەن و رایدەگەیەنێت: هەر هاوبەشێك سەرپێچی لەسەر پێوەری زیرەك بكات وێڕای گرتنەبەری رێكاری یاسایی و سزای دارایی سەرپێچیكاران، دەبێت تێچووی پێوەرەكەو چاككردنەوەشی لەئەستۆ بگرێت. 

لیژنەی باڵای پێوەری زیرەك لەوەزارەتی كارەبای هەرێم رونكردنەوەیەكی بڵاوكردەوە رایگەیاند: جێگای داخە كەسانێك بە مەرامی خراپ پروپاگەندەی دوور لەڕاستی لە سۆشیال میدیا بڵاودەكەنەوەو بەئەنقەست دەستكاریی پێوەرەكانیان دەكەن.

رونیشیكردوەتەوە: ئەو هاوبەشانەی كارەبا ئاگادار دەكەینەوە كە سەرپێچی لەسەر پێوەری زیرەك ئاشكرایە و وێڕای گرتنەبەری رێكاری یاسایی و سزای دارایی سەرپێچیكاران كە بە ئەنقەست دەسكاریی پێوەرەكە بكەن و بیشێوێنن، دەبێت تێچووی پێوەرەكە و چاككردنەوەشی لەئەستۆ بگرن.

لیژنەی باڵای پێوەری زیرەك دەشڵێت: پێوەرەكە بەبێ بەرامبەر بۆ هاوبەشان بەستراوەو لەكاتی هەر هەڵەیەكی تەكنیكی یان گرفتێك، وەزارەتی كارەبا خەرجییەكانی لەئەستۆ دەگرێت، بەپێچەوانەوە هاوبەشەكە دەبێت تەواویی تێچوونی چاككردنەوە و دانانی پێوەرێكی دیكە، جگە لە سزادانی دارایی ئەو تێچوونەش لەئەستۆ بگرێت.

PUKmedia  

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket