ڕێزان موحه‌مه‌د: شعرو هونه‌رم وه‌ك دوو منداڵی خۆم خۆشده‌وێت

ڕێزان موحه‌مه‌د،له‌ هه‌ڵه‌بجه‌ی شه‌هید له‌دایكبووه‌و ماوه‌ی چه‌ندین ساڵه‌ له‌بواری شێوه‌كاری و شیعردا كارده‌كات و به‌شداری چه‌ندین پێشانگای شێوه‌كاری و كۆڕی شیعری كردووه‌ له‌م دیداره‌ی PUKmedia دا باس له‌كارو چالاكییه‌كانی ده‌كات.
سه‌ره‌تای ئاشنایه‌تیت له‌گه‌ڵ شیعر نوسین ده‌گه‌ڕێته‌وه‌ بۆ كه‌ی؟
*من له‌ ساڵانی 1993 له‌كاتێك خوێندكاری په‌یمانگای ھونه‌ره‌ جوانه‌ كان بووم ده‌ستم به‌نوسین كرد، به‌ڵام بڵاوم نه‌ده‌كردنه‌وه‌و ئێستا ده‌رفه‌تی ئه‌وه‌م هه‌یه‌ بڵاویان بكه‌مه‌وه‌.
شیعر بۆ كێ ده‌نوسیت؟
*من شیعر بۆ ھه‌موو ئازارو جوانیه‌كانی ژیان ده‌نوسم 
چۆن ده‌ڕوانیته‌ دوونیای شیعر له‌ ئێستادا؟
 *له‌ئێستادا به‌داخه‌وه‌ دونیای شیعر زۆر شێواوه‌و بێ به‌ھا ده‌بینم ،ئه‌ویش به‌ ھۆی كه‌می خوێنه‌رو هۆكاری تره‌وه‌یه‌.
له‌نێوان شیعرو شێوه‌كاریدا كامیانت خۆشتر ده‌وێت؟
*من شیعرو شێوه‌كاری وه‌ك دوومنداڵی خۆم ده‌یان بینم ،ھه‌ردووكیانم زور خۆشده‌وێیت. 
به‌شداری چه‌ند كۆڕو فیستیڤاڵی ئه‌ده‌بیت كردووه‌؟ 
*من به‌شداری سه‌دان كوروسیمینارم كردووه‌ ،به‌ ڵام زیاتر سه‌ره‌ڕای ده‌ ركه‌وتتم ،له‌ ئێستادا كه‌متر ده‌رده‌كه‌وم.
چۆن ده‌ڕوانیته‌ تواناكانی ژنان له‌بواری ئه‌ده‌بی وشێوه‌كاریدا؟
*به‌ڕاستی ئه‌و توانایانه‌ی له‌ خانمانماندا به‌دی ده‌ كرێت زۆر زۆره‌ به‌راورد به‌ پیاوان ،به‌ ڵام گه‌ر بواریان بۆ بڕه‌خسێت.
پرۆژه‌ی نوێی شیعریت چیه‌؟
*پرۆژه‌ی نوێم كتێبێكی شیعریه‌ به‌ناوی ھه‌ناسه‌  ،له‌ 106لاپه‌ڕه‌ پێكھاتووه‌ ،له‌گه‌ڵ نامیلكه‌یه‌ كی شیعری بۆ منداڵان.


PUKmedia دیداری.. ڕێباز حه‌سه‌ن كه‌ڵهوڕیی