نرخی نه‌وت زیاتر به‌رزبووه‌وه‌

ئه‌مڕۆ شه‌ممه‌16-10-2021، نرخی نه‌وت له‌بازاره‌كانی له‌جیهاندا جارێكی دیكه‌ به‌رزبونه‌وه‌ی تۆماركرد، به‌جۆرێك له‌ماوه‌ی حه‌وت ساڵی رابردودا به‌و شێوه‌یه‌ به‌رز نه‌بوه‌ته‌وه‌ و نرخی به‌رمیلێك نه‌وتی برنت گه‌یشته‌ 84.86 دۆلار.

ئاژانسی رۆیته‌رز بڵاویكرده‌وه‌، به‌هۆی بونی مه‌رجی پێشوه‌ختی وڵاتانی به‌رهه‌مهێنه‌ری نه‌وت "ئۆپێك" و زیادبونی خواست له‌سه‌ر نه‌وت كه‌ هاوكاته‌ له‌گه‌ڵ بوژانه‌وه‌ی دامه‌زراوه‌ پیشه‌سازییه‌كان، ئه‌مڕۆ شه‌ممه‌ به‌های نه‌وت له‌بازاره‌كانی وزه‌ له‌جیهاندا گه‌یشته‌ به‌رزترین ئاست و نرخی هه‌ر به‌رمیلێك نه‌وتی برنت به‌رێژه‌ی له‌ 0.86% به‌رزبوه‌وه‌ و به‌ 84.86 دۆلار مامه‌ڵه‌ی پێوه‌كرا.
 
راشیگه‌یاندووه‌، نرخی به‌رمیلێك نه‌وتی ئه‌مریكاش به‌رێژه‌ی له‌ 1.19% به‌رزبونه‌وه‌ی به‌خۆوه‌ بینی و گه‌یشته‌ 82.28 دۆلار.
 
به‌رزبونه‌وه‌ی به‌های نه‌وت هاوكاته‌ له‌گه‌ڵ ئاسایی بونه‌وه‌ی ژیان له‌زۆرێك له‌وڵاتان و كرانه‌وه‌ی سه‌رجه‌م ناوچه‌ گه‌شتیاری و كارگه‌ و دامه‌زراوه‌ پیشه‌سازییه‌كان كه‌ به‌تێكرا خواستیان له‌سه‌ر نه‌وت زیادكردوه‌.

PUKmedia ئاژانسه‌كان