كۆیه‌.. یادی 30 ساڵه‌ی ڕێكخراوی مناڵپارێزی كوردستان به‌رز ڕاگیرا

به‌ ئاماده‌بوونی ژماره‌یه‌كی به‌رچاو له‌ چین و توێژه‌كانی شاره‌كه‌  ساڵیادی دامه‌زراندنی ڕێكخراوی منداڵپارێزی كوردستان، سه‌نته‌ری چالاكی گه‌نجانی كۆیه‌ به‌ چه‌ندین چالاكی جۆراوجۆر، هونه‌ری و وه‌رزشی و ڕۆشنبیری یاده‌كه‌ی به‌رز ڕاگرت.
ئه‌میر بابان به‌ڕێوبه‌ری سه‌نته‌ری چالاكی گه‌نجانی كۆیه‌ به‌  PUKmedia ی ڕاگه‌یاند: سه‌نته‌ری چالاكی گه‌نجانی كۆیه‌ سه‌ر به‌ ڕێكخراوی منداڵپارێزی كورستانه‌ كه‌ له‌سه‌ر ئه‌ركی خاتوو هێرۆ ئیبراهیم ئه‌حمه‌د دامه‌زراوه‌  .
ئه‌میر بابا وتیشی: له‌ هه‌ر چوار وه‌رزه‌كه‌ی ساڵدا  به‌ خولی جۆراوجۆری هونه‌ری و كلتوری و  ڕۆشنبیری و فكری وه‌رزشی و ئه‌ده‌ب وپیشه‌،  پێشوازی له‌ ئاره‌زومه‌ندان و فێرخوازانی سنووره‌كه‌ ده‌كات و بۆته‌ ناوه‌ندێكی گرنگی دۆزینه‌وه‌ی هه‌لی كار به‌ تایبه‌ت له‌ خوله‌ پیشه‌ییه‌كاندا.

لێپرسراوی سه‌نته‌ری چالاكی گه‌نجانی كۆیه‌ ڕاشیگه‌یاند: له‌ ئاینده‌دا به‌ پلانێكی ورد خزمه‌تی زیاتر به‌ گه‌نجان ده‌كه‌ین.

PUKmedia كاوه‌ نازم/ كۆیه‌