}

وەزیری دەرەوەی فەڕەنسا: تاڵیبان درۆزنن

جیهان 02:02 PM - 2021-09-12

وەزیری دەرەوەی فەڕەنسا ڕایگەیاند: حكومەتی نوێی ئەفغانستان بە ڕەسمی نازانن و هیچ پەیوەندییەكیان لەگەڵدا دروست ناكەن.

ژان لۆ دریان وەزیری دەرەوەی فەرەنسا ڕایگەیاند تاڵیبان درۆ دەكەن كە دەڵێن ڕێگە بە بیانی و ئەفغانەكان دەدەن كە سەربەستانە لە ئەفغانستان دەربچن، ئصستاش بە دەیان هاووڵاتی فەڕەنسی لە ئەفغانستان ماونەتەوە و هێشتا خاكی ئەو وڵاتەیان جێنەهێشتووە.

وەزیری دەرەوەی فەڕەنسا ڕاشیگەیاندووە تاڵیبان درۆیان كرد كاتێك وتیان حكومەتێكی گشتگیر و فرە نەتەوە دروستدەكەن. 

ژان لۆدریان ئاماژەی بەوەشكردووە كە وڵاتەكەی دان بە تاڵیبان نانێت و هیچ پەیوەندییەك لەنێوان فەرەنسا و تاڵیبان نایەتە ئاراوە. 

 پێشتریش ئەمریكا و بەریتانیا و یەكێتی ئەوروپا ڕایانگەیاندبوو كە دان بە حكومەتە نوێیەكەی ئەفغانستان نانێن. 
PUKmedia ئاژانسەكان 

ئەمانەش ببینە

زۆرترین خوێنراو