له‌پارێزگای دهۆك خۆپیشاندانه‌و ڕێگایه‌كی سه‌ره‌كی داخرا

ب سه‌ده‌مێ نه‌بوونا ئاڤا ڤه‌خارنێ ل گوندێ ئیمینكێ كو دكه‌ڤیته‌ ل سه‌ر رێكا سه‌ره‌كیا دنافبه‌را دهوك وقه‌زا ئامیدیێ ، ئاكنجێن ڤی گوندی خوپێشاندانه‌ك ئه‌نجامدا ،و بو ده‌مێ چه‌ند خوله‌كا رێكا سه‌ره‌كی یاهاتن وچوونا ئوتومبێلا دایخست ، و داخاز ژ حكومه‌تا هه‌رێمێ وئیدارا پارێزگه‌ها دهوكێ كرن لدیف داخازیا وان بچن ، وكێشه‌یا ئاڤا ڤه‌خارنێ وكێشه‌ێن دی ل ڤی گوندی چاره‌سه‌ربكه‌ن ، ئێكسه‌ر هێزێن ئیمناهیێ چونه‌ جهێ خوپێشاندانی بو ڤه‌كرنا رێكا سه‌ره‌كی .

ئدریس گه‌لناسكی ، رێڤه‌به‌رێ ناوچه‌داریا زاویته‌ ل جهێ خوپێشاندانێ ئاماده‌بو ودگه‌ل خوپێشانده‌را كومبوو ،و راگه‌هاند وگوت: ب زیترین ده‌م دێ كێشه‌ێن وان گه‌هینیته‌ ئیدارا پارێزگه‌ها دهوكێ ژ بو چاره‌سه‌ركرنێ .

ل گوری گوتنا خه‌لكێ ڤی گوندی كو زێده‌تر ژ 500 مالانه‌ ئارێشا ئاڤا ڤه‌خارنێ هه‌یه‌ كو هه‌ر حه‌فتێ جاره‌كێ بو دهێت، هه‌روه‌سا ئاریشا ریكو و جادا هه‌یه‌ دناڤا گوندیدا وچه‌ندین جارا داخازێن خو گه‌هاندینه‌ جهێ شوله‌ژی لێ لدیف داخازا وان نه‌هاتیه‌ ڵدیف گوتنا خه‌لكێ ڤی گوندی .

گوندی ئیمینكێ دكه‌ڤیته‌ باكورێ سه‌نته‌رێ باژێرێ دهوكێ ب دیراتیا 4 كیلومه‌تران و ل سه‌ر رێكا سه‌ره‌كیا دهوك وقه‌زا ئامێدیێ وئه‌ف گونده‌ سه‌رب ناوچه‌داریا زاویته‌ ڤه‌یه‌ وروژ بو روژ ژمارا خانیا لێ زێده‌دبیت .

PUKmedia به‌یار ئامێدی