گوڵستان ئه‌حمه‌د له‌شه‌ش پاڵه‌وانێتی پله‌ی یه‌كه‌م به‌ده‌ستده‌هێنێت

ژنان‌ 10:17 AM - 2021-07-05

گوڵستان ئه‌حمه‌د یاریزانی له‌شجوانی و له‌شڕێكی:له‌به‌رزكردنه‌وه‌ی قورسایی له‌شه‌ش پاڵه‌وانێتی پله‌ی یه‌كه‌مم به‌ده‌ست هێناوه‌.

 سه‌ره‌تا چۆن بیرت له‌وه‌رزشی له‌شجوانی كرده‌وه‌و چۆن ده‌ستت پێكرد؟

 سه‌ره‌تای ده‌ست پێكردنم له‌یاری ھێزی له‌ش ده‌گه‌رێته‌وه‌ بۆ ساڵی (٢٠١٠بۆ٢٠١١) قۆناغی یه‌كه‌می په‌یمانگای وه‌رزشی كه‌ به‌شداریم كرد له‌ پاڵه‌وانێتی به‌رز كردنه‌وه‌ی قورسای عیراق  كه‌ توانیم له‌ وه‌زنی خۆم پله‌ی یه‌كه‌م به‌ده‌ست بێنم ھه‌رله‌ ھه‌مان ساڵ  به‌شداریم كرد له‌ پاڵه‌وانێتی به‌رز كردنه‌وه‌ی قورسایی له‌سه‌ر  ئاستی كوردستان  كه‌توانیم پله‌ی دووه‌م به‌ده‌ستبێنم.

وێڕای به‌ربه‌ست و ڕێگرییه‌كان له‌كۆمه‌ڵگه‌دا كێ هانده‌رت بوو كه‌دونیا هێزی له‌شجوانی هه‌ڵبژێری و بچیته‌ ناوكایه‌یی وه‌رزیشی خانمانه‌وه‌؟ یه‌كه‌م كه‌س دایكم و ته‌واوی ئه‌ندامانی خێزانه‌كه‌م و ھه‌مو ئه‌و ھاوڕێ دڵ سۆزانه‌ی كه‌ ھه‌من ھاوكارم بون.

تاچه‌ند پێت وایه‌ وه‌رزشی له‌شجوانی وهێزی له‌شجوانی لای خانمانی پشده‌رو ده‌وروبه‌ری به‌ره‌و پێشه‌وه‌ چووه‌؟

شایه‌نی باسه‌و جێگای دڵ خۆشیه‌ كه‌ خانمانی پشده‌ر و بیتوێن به‌ ڕێژه‌یه‌كی به‌ر چاو ڕوو له‌ ھۆڵه‌كانی له‌ش جوانی ده‌كه‌ن،وه‌ به‌ژداری  پاڵه‌وانێتیه‌كانی ھێزی له‌ش ده‌كه‌ن له‌سه‌ر ئاستی  پارێزگا كان و كوردستان .

به‌شداری چه‌ند پاڵه‌وانێتیتان كردووه‌ وه‌ك هێزی له‌شجوانی له‌ناوه‌وه‌و ده‌ره‌وه‌ی هه‌رێم؟

به‌شداری ١٠ پاڵه‌وانێتیم كردوه‌  ٢ پاڵه‌وانێتی به‌رز كردنه‌وه‌ی قورسایی بوه‌، دوو پاڵه‌وانێتی پێنج پرێس پله‌ی دوه‌م و چواره‌مم به‌ده‌ست ھێناوه‌،
له‌شه‌ش پاڵه‌وانێتی پله‌ی یه‌كه‌مم به‌ده‌ست ھێناوه‌  یه‌ك له‌ دوای یه‌ك ،كه‌ سێ پاڵه‌وانێتی یاری سیانی بوه‌ پێنج پرێس و دێدلێفت و دبنی بوو كه‌ پله‌ی یه‌كه‌مم به‌ ده‌ست ھێناوه‌ كه‌ له‌ دوو پاڵه‌وانێتی له‌ دھۆك و ھه‌ولێر ئه‌نجامدرا ئۆڤه‌ر ئۆڵ (over all )بووم.

سێ جار به‌ گروپ دابه‌ زیوین كه‌ توانی و مانه‌ پله‌ی دووه‌م و سێیه‌م له‌ دوھۆك به‌ده‌ست بێنین پله‌ی دووه‌م له‌ ھه‌ولێر به‌ ده‌ست بێنین پله‌ی چواره‌م له‌ بازیان.

تاچه‌ند گوڵستان گه‌شبینه‌ له‌داهاتودا بتوانێت له‌پاڵه‌وانێته‌ جیهانیه‌كاندا به‌شداری بكات؟

له‌ ھه‌وڵ و ڕاھێنانه‌كانی  خۆم به‌رده‌ وامم بۆیه‌ له‌ھێز و توانای خۆم ڕاده‌ بینم متمانه‌م  به‌ خۆمه‌ بۆیه‌ گه‌شبینم له‌وه‌ی له‌ داھاتودا به‌ژداری پاڵه‌وانێتی كانی جیھانی بكه‌م.

وه‌ك یاریزان وڕاهێنه‌رێكی له‌شڕێكی و له‌شجوانی بیرت نه‌كردووه‌ته‌وه‌ له‌بواری تری وه‌رزشیدا كاربكه‌یت و ڕۆڵ بگێڕی؟

به‌ڵێ بیرم له‌وه‌ كردۆته‌وه‌ له‌ بواری تری وه‌رزشی كاربكه‌م ئه‌ویش كه‌ ھونه‌ری به‌رگری (كیك بۆكسینگ)ه‌.

دواوته‌تتان چیه‌؟

ھیوادارم خانمان گرنگی به‌ له‌ش و لارو ته‌ندرستی خۆیان بده‌ن و داواكارم له‌ باوك و برا و ھاوسه‌ری خانمان ڕێگر نه‌بن له‌ به‌رده‌میان و سوپاس بۆ ئێوه‌ش.

دیداری/ ڕێباز حه‌سه‌ن كه‌ڵهوڕیی
PUKmedia