چاوپێكه‌وتنێك له‌گه‌ڵ هونه‌رمه‌ند ئه‌حمه‌د زه‌هاوی

.

هونه‌رمه‌ند ئه‌حمه‌د زه‌هاوی: زۆربه‌ی په‌یكه‌ره‌كانی من ،له‌ فلكلۆر و  كلتوری كوردی سه‌رچاوه‌ ده‌گرن

هونه‌رمه‌ند ئه‌حمه‌د زه‌هاوی: ده‌بێت شوێنی دانانی په‌یكه‌ر، له‌سه‌ر بنه‌مای زانستی بێت .

هونه‌رمه‌ند (ئه‌حمه‌د مسته‌فا زه‌هاوی ) له‌ ساڵی 1962 له‌ شاری خانه‌قین له‌ دایكبووه‌ ، ده‌رچووی ئه‌كادیمیای هونه‌ره‌جوانه‌كانی به‌غدایه‌، له‌ زانكۆی سه‌ڵاحه‌دین بڕوانامه‌ی ماجستێری  له‌ ژێر ناوی "جوانكاری و ته‌كنیكی له‌ كاری هونه‌رمه‌ندانی  په‌یكه‌رسازی كوردستان" وه‌رگرتووه‌ .
 په‌یكه‌ره‌كانی زیاتر واقعین ، به‌شداری چه‌ندین پیشانگا و فیستڤاڵی له‌سه‌رئاستی  ناوخۆ و ده‌ره‌وه‌ی كوردستانی كردوه‌ ، ئێستا مامۆستایه‌ له‌ كۆلیژی هونه‌ره‌ جوانه‌كانی هه‌ولێر بۆ زیاتر ئاشنا بوون به‌ كاره‌هونه‌رییه‌كان و ئه‌م دیداره‌مان له‌گه‌ڵیدا ساز داوه‌.
*  هونه‌رمه‌ندێكی ناسراوه‌، به‌ڵام پێمان باش بوو بۆ خوێنه‌رامان ، زیاتر باس له‌ژیانی هونه‌ری خۆت بكه‌یت.

هونه‌رمه‌ند بۆ PUKmedia وتی.....
- ناوم هونه‌رمه‌ند ئه‌حمه‌د مسته‌فا زه‌هاویه‌ له‌ ساڵی 1962 له‌ شاری خانه‌قین له‌ دایكبووم  ده‌رچووی ئه‌كادیمیای هونه‌رجوانه‌كانی به‌غدام به‌شی په‌یكه‌تارشی ، له‌ ساڵی 1988 بڕوانامه‌ی به‌كه‌لۆریسی له‌ هونه‌ری شێوه‌كاری به‌ده‌ست هێنا، دواتر له‌ زانكۆی سه‌ڵاحه‌دین بڕوانامه‌ی ماجستێرم  وه‌رگرتووه‌ .. به‌شداری  چه‌ندین پیشانگا و فیستڤاڵ له‌سه‌رئاستی  ناوخۆ و ده‌ره‌وه‌ی كوردستان كردوه‌، په‌یكه‌ره‌كانم له‌ چه‌ندین شوێنی جیاجیا كوردستان دانراوه‌.
پ/  زۆربه‌ی هونه‌ره‌كان په‌یوه‌ستن به‌ به‌هره‌ ،سه‌رچاوه‌ی  به‌هره‌كانی تۆ  بۆ په‌یكه‌ره‌كانت چین؟
و/ زۆربه‌ی په‌یكه‌ره‌كانی من ،له‌ فلكلۆرو  كلتوری كوردی سه‌رچاوه‌ ده‌گرن.
پ/ كێن ئه‌و په‌یكه‌رتاشانه‌ی ،كاریگه‌ریان له‌سه‌ر به‌رێزتان هه‌بووه‌؟ یاخود سه‌رسامی به‌ كاره‌كانیان؟
و / زۆرن ئه‌و هونه‌رمه‌ندانه‌ی كه‌،كاریگه‌ره‌یان له‌سه‌ر من هه‌بووه‌  بۆ نموونه‌ له‌ كورده‌كان ،مامۆستا دارا حمه‌ سعید، له‌ عێراقیه‌كان  مامۆستا محه‌مه‌د غه‌نی حیكمت  و  مامۆستا  ئیسمایل  فه‌تاح  وه‌ له‌ جیهانیه‌كان زۆر سه‌رسامم به‌ كاره‌كانی هونه‌رمه‌ند جاكو منی روداو.
پ /  كامه‌ن ئه‌و بابه‌تانه‌ی بۆ په‌یكاره‌كانت هه‌ڵده‌بژێت ؟
و /ئه‌و بابه‌تانه‌ی ده‌بنه‌، پۆرتریت  زیاتر  كوردین  وه‌كو سه‌ركرده‌كان ، شاعیران  ، ژنیاران...
پ/ په‌یكه‌ره‌كانت زیاتر  واقعین ، یاخود له‌ خه‌یاڵین؟
و / ئه‌وه‌ی راستی بێت ، زۆربه‌ی په‌یكه‌ره‌كانم زیاتر له‌ واقع نزیك نه‌وه‌ك له‌ خه‌یاڵ.
پ / ئاستی هونه‌ری په‌یكه‌رتاشی له‌ كوردستان چۆن ده‌بینی؟
و/ ناتوانین بڵێن هونه‌ری ئاستی په‌یكه‌رتاشی له‌ كوردستان زۆر باشه‌،به‌ڵام تا راده‌یه‌ك باشه‌.
پ /كێشه‌و گرفته‌كانی هونه‌ری په‌یكه‌ر تاشی له‌كورستان چین؟
و/ گرفته‌كان زۆرن ، به‌ڵام كێشه‌ی سه‌ره‌كی بریتییه‌،له‌ نه‌بوونی كارگه‌ی برۆنزه‌ له‌ كوردستان.
پ /به‌ بۆچوونی به‌رێزتان ،شوێنی دانانی په‌یكه‌ره‌كان له‌ شاره‌كانی كوردستان  شوێنی گونجاون؟
و/ شوێنی دانانی په‌یكه‌ر ، ده‌بێت  له‌سه‌ر بنه‌مای زانستی ولێكۆلێنه‌وه‌ بێت ،واته‌ ده‌بێت  ره‌چاوی  پانتایی  شوێنی په‌یكه‌ر،بابه‌تی په‌یكه‌ر، ماده‌ی په‌یكه‌ر،قه‌باره‌ی په‌یكه‌ر،فۆرمی په‌یكه‌ر..بكرێت، به‌داخه‌وه‌ هه‌ندێك له‌ په‌یكه‌ره‌كان ، له‌ شوێنی گونجاو دانه‌نراون.
پ /ئاواتت چیه‌؟
و/ ئه‌وه‌ی راستی بێت،ئاواتمه‌ هونه‌ری كوردی له‌ ڕیگای كلتور و فلكلۆری كوردی، بگاته‌ ئاست هونه‌ری جیهانی.

PUKmedia چاوپێكه‌وتن.. كامه‌ران حاجی ئه‌لیاس